Эргндк бәәдлиг кеерүлхәр

Урҗ өдр үдлә Элст балһсна Диилврин талвңд GRASS нертә компаня элчнр харһа модна тавн миңһн тәрмр урһмл олн-әмтнд өңгәр түгәҗ өгв. Келхәс, элстихн төлә эрт ирәд, чеерүдт зогсв.
GRASS компаня бүрдәһәч болн һардач Михаил Грачевин келсәр, эднә бүрдәц цеврллһнә экологическ автомобильн болн талдан эд-тавр кеҗ һарһна. Тер мет Улан дегтрт ордг аңгудыг харсхин төлә эдн бас ирлцңгү керг-үүлдврмүд давулна. Темдглхәс, GRASS компань таңһчин «Хар һазр» заповедниклә нөкцлтнә.
– Харһа модна урһмл өгхин өмн ниигмин сүлҗәнд ямаран балһсдт иим керг-үүлдвр бүрдәх кергтә гиҗ сурсн биләвидн. Хальмг Таңһчин иргнмүд болхла хамгин олар дууһан өгвснә ашт Элстд ирәд, тавн миңһн урһмл өңгәр өгх шиидвр авснь тер, – гиҗ Михаил Грачев келв.
Тер өдр Элстд бәәтхә, Дербент, Краснодар, Шарту, Аһш балһсдт ирлцңгү керг-үүлдвр бас давв, 25 миңһн урһмл олн-әмтнд түгәҗ өггдв. Балһсна әмтн өрк-бүләрн ирәд, кесг урһмл авч чадв.
«GRASS лес» ик төсв күцәлһнә йовудт эн керг давулгдв. 2025 җилин йовудт орн-нутгин балһсдар эдн ут тоодан 300 миңһн мод суулһхар зуралҗана.

БАДМИН Занда