Ветеранд нөкд болв

Шидр баһчудын кергүдин төрәр үүлддг Агентствин медлд бәәдг «Диилврин волонтермуд» әңгин баһчуд Төрскән харсгч Алдр дәәнә ветеран Петр Леонтьевин көлг зогсадг бәәрнд эрсмүдинь цаһалҗ, ахулад, үүднь ширдв. Тер мет Чонкуша Петрин нертә билг-эрдмин колледжин оютнр ветеран бәәдг олн давхрта герин подъездиг цеврләд, эрсмүдтнь Диилврин төрәр зургуд зурад кеерүлв.
– Нег һазра баһчудт ханлтан өргҗәнәв. Сурһулян сәәнәр сурч, олна керг-үүлдврмүдт шунмһаһар орлцад, ах үйин улст цааранднь чигн оньган тусхаһад, нөкд болад йовтн. Эднәс цуһар үлгүр авх зөвтә, – гиҗ Петр Леонтьевич йөрәв.
ОЛЬДАН Цаһан