Волонтермудт үрвр кев

Шар шаҗна нарт-делкән ик хург өөрдҗ йовна. Һаха сарин 25-ас авн 28 күртл Элстд 30 һар орн-нутгин элчнр цуглрхмн. Тедн дунд бурхн-шаҗна халхар күндтә багшнр Ашин Ньяниссара, Кунделинг Тацак Ринпоче, Йонгзин Линг Ринпоче, Чокьи Ньима Ринпоче, Моңһлын лам Жавзан Дордж болн талдан гиичнр ирхмн. Тиим күндтә гиичнрин ирҗәхнь керг-үүлдврин ик чинринь медүлҗәнә. Тер мет нарт-делкән номин элчнрин орлцхнь бас темдгтә болхмн.
– Хургин көдлмшт волонтермуд эрк биш нөкд болхмн. Цаһан седклтә, седвәртә эн улс пандемийин цагт нег һазра улсан дөңнсмн. Ода болхла волонтермуд цергә шишлң керг-үүлдврт орлцачнрт бас оньган тусхаҗана. Шар шаҗна нарт-делкән ик хургин көдлмшт орлцхар седҗәдг нег һазра улс бәәтхә, талдан регионмудас волонтермуд чигн бас эрлһән орулҗ чадҗана. Арвн дөрвнәс авн 70 нас күрсн улс волонтермуд болҗ көдлҗ чадхмн. Хургин buddha.forum сайтд орад, эрлһән үлдәҗ болҗана, – гиҗ таңһчин Толһач Хаска Бату үрвр кев.
ОЛЬДАН Цаһан