Патьриг сулдхв

Сарпан, Көтчнрә болн Баһ Дөрвдә райодын приставмудын әңгд бәәрн күүкд күүнә туст керг бүтәгдв.
Урднь эн күүкд күн авальтаһан хамдан муниципальн патьрт бәәсмн. Хөөннь эдн салад, залунь бәәдг орман сольв, гергнь болхла патьриг сулдхх зөвтә бәәсмн. Эс тиигхләнь энүнә туст керг бүтәгдәд, зарһин ирлцңгү шиидвр һарһгдв.
Эн патьрт бәәсн цагтан ясвр кеснә тускар бер зәңглв. Тиигсн бийнь энүг сулдхх кергтә болв. Урднь күүкд күн талдан орн-нутгт одх путевк хулдҗ авсн бәәҗ, тегәд орн-нутгин меҗә давҗ һардг зөвнь бас хасгдв. Энүнә хөөн эн бер патьриг сулдхв, керг күцәгдв.

ОЛЬДАН Цаһан