Батхнла ноолдхмн (сүв-селвг)

[b][b]Батхн альд болв чигн бәәнә. Мал бәәсн һазрт эдн йир олар хурна. Батхн болһн 10-12 өдр болад өндглнә. Эдн бузр һазрт өндгән хайна. Батхн 10-15 минут болһн хот иднә[/b]. Эдн хот йилһхш. Батхна цогцнь, көлиннь тавгнь олн заагта. Эн заагударнь кесг кир-нуһуд хурна. Бийннь махмудтан кир-нуһуд наалдулҗ авчкад, хот-хол, цевр ааһ-сав деер сууһад, бий деерәсн сегсрҗ бузр-булаһан унһана. Батхн бийдән эс шиңгсн хотан һульһҗ һарһна. Иим һульһц-дусалмуд герин эрс, терзин шил деер тенд үлдәсиг үзсн болхт. Нег батхн нег өдрин эргцд 50 үлү дусал үлдәнә. Иим дусалмудт олн зүсн әәмшгтә гемин экн бәәдг мөн. Батхн суусн хот эдлхлә, эс гиҗ тедн суусн савар уһалго хот эдлхлә, күүнд әәмшгтә шалтг чигн хальдад бәәхмн. Тер учрар батхн олн зүсн хальдврта гем тархана. Эднәс бийән саглх деерән эднлә аврлт угаһар ноолдх кергтә.
Батхнла яһҗ ноолдх кергтә? Батхн хурдг һазрт тедн наалддг цаас өлгх кергтә. Батхна хорн ивтрсн цаас норһад тәрлкд тәвх. Хорта талхм тараҗ цацх. Мөр үздг һазриг цагларнь цеврлх кергтә. Бәәдг герән бас цевр-цеерәр бәрх кергтә болҗана.
КАРСАНА Евгения