Усна нәрн төрәр

Иҗл һолас усар тетклһнә төсв цаарандан күцәгдҗәнә. Өдгә цагт болхла төсвин ирлцңгү бәрмт цаас белдҗәнә. Эн төсв күцәгдәд, таңһчин 70 процент иргнмүдиг цевр усар теткҗ болхмн. Тодлхас, эн төрт мадниг Әрәсән Президент Владимир Путин болн орн-нутгин залвр дөңнҗәнә.
– Усна төр хаһлгдад, таңһчд селәнә эдл-ахун, үүлдврин болн талдан халхсиг делгрүлҗ болхмн. Тер мет көдлмшч шин ормс бүрдәгдхнь лавта. Темдглхәс, урднь «Деед Яшкуль-Элст» усна сурвлҗн эдлврт орулгдв. Негдгч тойгта усна сурвлҗна ясвр төгсхдән өөрдҗ йовна. Терүнәс нань эн җилд канализац цеврлһнә бәәрин тосхлт төгсхмн. Усар тетклһнә төр мана таңһчин төлә нәрн төрмүдин негнь болдг. Хальмг Таңһчд оньган өгчәдг шаңһа төвд ик ханлтан өргҗәнәв, – гиҗ Бату Сергеевич темдглв.
ОЛЬДАН Цаһан