Антрацитын күүкд эрүл-мендән батрулх

Давсн җилд Луганск Улсин Республикин Антрацитовск района гемтә-шалтгта бичкдүд мана таңһчур ирәд, эмнлһ авч эрүл-мендән батрулсн билә. Эн сарин чилгчәр эрмдгтә бичкдүдин дарани баг мана тал ирхмн гиҗ күләгдҗәнә.
Таңһчин эрмдгтә бичкдүдин реабилитацин төвин мергҗлтнр Антрацитын әмтнә социальн теткврин төвин көдләчнрлә хамдан һурвдгч баг ирхин бүрдәлһнә төрәр селвлцв.Таңһчин залврин Ахлачин дарук – таңһчин социальн делгрлтин, күч-көлснә болн көдлмшәр тетклһнә министр Өлзәтин Маринан келсәр, һаха сарин чилгчәр мана тал эрмдгтә бичкдүд эк-эцктәһән ирхмн. Энд бичкдүдин эмнлһнә болн эрүл-менд батруллһна керг-үүлдврмүд күцәгдснәс нань эдниг хальмг улсин тууҗла, сойлла таньлдулҗ, цаган сергмҗтәһәр давулхин төлә сән таал тогтагдхмн.
БАТАН Сәәхлә