Балһсна ЖКХ-н төрмүд хәләгдв

18-09-2025, 11:51 | ---

Хальмг Таңһчин Толһач Хаска Бату Элст балһсна жилищн-коммунальн эдл-ахун төрәр селвлцә давулв. Терүнд хотл балһсна коммунальн бүрдәцсин үүлдврин төр хәләгдв.
- Әрәсән Президент Владимир Путинә болн орн-нутгин залврин дөңгәр бидн чинртә төрмүд хаһлҗ чадвидн. Тиигәд, орн-нутгин төвлә хамдан бидн Деед Яшкуль болн Элст хоорнд усна сурвлҗ тосхвидн. Терүнә ашт 17,3 дууна һазрт өдгә цага сурвлҗн эдлврт орулгдад, балһсиг усар тетквидн. Балһсна 160 җилин өөн угтҗ эн чинртә төр хаһлгдснь ик чинртә болҗана. Эн сарин чилгчәр терүг эдлврт орулхар зуралҗанавидн. Цааранднь усна чинр ясруллһна, талдан әңгүдт сурвлҗиг шинрүллһнә төр хаһлхвидн. Эн кергт мана таңһч немр 310 сай арслң авхмн. Тер мет орн-нутгин толһачин дөңгәр бидн Иҗлин сурвлҗ тосхлһна төсвин-һаруһин иткл цаас белдҗәнәвидн. Терүг тосхсна хөөн таңһчин әмтнә 70 процентнь сән чинртә усар теткгдхмн, – гиҗ Хаска Бату келв.
Ирх җилд электрокүчәр тетклһнә эдл-ахун шинрллтин, хог-бог цуглулдг шишлң орм тосхлһна көдлмш күцәгдхмн гиҗ селвлцәнд келгдв. Мана хотл балһсн орн-нутгин сәәхн гисн балһсдын тоод орхин төлә аһу ик көдлмш кех кергтәг селвлцәнд орлцачнр темдглв.
БАТАН Наталья

Видео