Ончта өөнлә йөрәв

Шидр Сарпан района Обильное селән бүрдснәс авн 175 җилин өөнән темдглсмн. 1850 җилд негдгч Николайин зәрлгәс иштә Воронежск болн Курск мүҗсәс әмтн нүүһәд нааран ирсн болдг. Эн цагас авн селәнә тууҗ эклв. Тер цагт кувцнр Хохриновихн болн Мешковихн селәнд Архангел Михаилын нертә чонҗ босххин төлә тәвцән орулсмн. 2021 җилд болхла Александр Невскийин нертә бичкн чонҗ тосхгдв. Элст-Аһш хаалһин хаҗуд эн ик холас үзгднә.
– Эндр Обильное селәнд төрскнч седклтә, төрскн һазр-усндан хару улс бәәнә. Селән байн тууҗта гиҗ келх кергтә, энд бәәдг улс эврә авг-бәрцән, сойлан әрүнәр хадһлҗ йовна. Обильное селәнәхн цаарандан үрдән өскәд, ах үйән күндлҗ, тууҗин байн зөөрән хадһлҗ, амулң эдлҗ йовтн, – гиҗ таңһчин Толһач Хаска Бату әрүн седкләсн бәәрн улсиг йөрәв.
ОЛЬДАН Цаһан