Күндтә гиич болад

Одахн Элстд шар шаҗна нарт-делкән хургт олн гиичнр ирҗ орлцсиг цуһар меднә. Тедн дунд Голливудын нертә артист Марк Дакаскос бас ирсн билә. Седкүлчнр терүнлә харһад, күүндҗ чадв. Хальмгин Толһач Хаска Бату нертә артист Марк Дакаскосла кесн соньн интервью умшад, ухан-тоолврарн хувалцв.
– Марк Дакаскос делкәд темдгтә артист мөн. Эн билгтә, ик дамшлтта артист болсн деерән гүн медрлтә, цецн күн болдгинь медүв. Җиртә Марк өдр болһн спортд онц оньган тусхана. Энүнә эцкнь цергә билг-эрдмин дамшач билә, Марк энүнә үлгүрәр бас дамшв, өдгә цагт болхла, хойр көвүнь чигн эн эрдмәр соньмсна. Шар шаҗнд шүтәд, нертә артист бәәдл-җирһлднь учрсн тоотын тускар ухалад, энүг үүмүлҗәсн кесг сурврмудт хәрү олҗ чадв, – гиҗ Бату Сергеевич темдглв.

ОЛЬДАН Цаһан