Өвкнрин заңшал хадһлад

Шидр «Өрк-бүл өндәлһнә туск» фильм үзүлгдв. «Росмолодежь»-ин, «Өдгә цагин үүлдврин шишлң сурһулин» болн Хальмгин сойлын болн зуульчллһна министерствин дөң-тусар «МЕНД!Media» баг эн төсвиг күцәв.

– Хальмг улсин сойлын байн зөөр эн фильмд үзүлҗәнә. Дорас өсч йовдг баһчуд өвкнрин үлдәсн авг-бәрцәр, авъяс-заңшалар соньмсчахнь йир сән йовдл гиҗ темдглх кергтә. Өрк-бүлиннь уңг-тохман, тууҗан болн үйән сәәнәр медхд эн фильм туслна. Деер келгдсн тоотыг күн болһн медҗ, үйәс үйд хадһлад йовх зөвтә, – гиҗ Хальмг Таңһчин Толһач Хаска Бату ухан-тоолврарн хувалцв.
ОЛЬДАН Цаһан