Хальмгин элч ашлгч девсңд һарв

«Медрл» Әрәсән ниицән Лектор марһана ашлгч девсңд һарсн улсин нерд заав. Орн-нутгин 82 региона 516 элч үкр сард Москва балһснд болх ашлгч девсңгин даалһвр күцәхмн, шинҗләчнрин хүүв тедн дундас дииләчнриг йилһҗ авхмн.

Марһана ашлгч девсңд һархин төлә Хальмг Таңһчин лектормуд Элст балһснд олна дөңнлтин штабд шинҗләчнрин хүүвин гешүдлә харһсн билә. Тер харһлтын ашар Элст балһсна һардврин толһачин дарук, 2021 җилд сурһуль-эрдмин халхар Әрәсән Президентин мөрәһәр ачлгдсн, РФ-н гегән-герлин болн сурһмҗин ачта көдләч Довгопола Дмитрий марһана ашлгч девсңд һарв. Дмитрий Сергеевич «1904-1905 җилмүдин орс-японя дән: орс салдсин зөрмг» гидг төрәр лекц умшв.
«Медрл» Әрәсән ниицәнә һардач Максим Древалин темдглсәр, ирлцңгү ниицәнд СВО-д орлцсн 9 күн, буйнч седклин керг күцәдг болн эврә сән дурар үүлддг 337 күн бәәхнь бахмҗта. Марһанд орлцачнр дунд хамгин баахнь 22 наста, хамгин настань болхла 64-тә. Марһана ашлгч девсңд һарсн улсин өрәлнь сурһуль-эрдмин болн номин халхар үүлднә. Бөдүн улс дунд йилһгдсн 110 дииләч «Медрл» Әрәсән ниицәнлә бооца батлад, эврә һазртан лекцс давулх зөв авхмн.
БАТАН Сәәхлә