Залу-зөрмгән үзүлв

Сегодня, 10:46 | Общество

Цергә шишлң керг-үүлдврин йовудт нег һазра мана баатрмуд туурмҗта йовдлмударн ончрад бәәнә. Одахн ДНР-ин Воскресенка селәнә сулдхлһнд орлцсн Гоҗан Мингиян ончрв.
– «Восток» ротын ханьд Мингиян үүрмүдтәһән хамдан хойр хонгтан бийән ик көнҗләр хучад, арвн тавн дуунад мөлкәд өшәтнә өмн һарч ирв. Тууҗд орх эн йовдл мана дәәчнрин залу-зөрмгинь дәкнәс ил үзүлв. Цергә шишлң керг-үүлдвр давҗадг һазрт олн келн-улс ахнр-дүүнр мет әмән әрвлго Төрскән харсчана. Нег һазра мана дәәчнр ончрад, маднд ик бахмҗ үүдәнә. Тиим кевәр Диилвр эрк биш делдхмн, – гиҗ Хаска Бату темдглв.

ОЛЬДАН Цаһан

Видео