Андһар өгв

Одахн зарһин приставмудын сән Өдрлә ирлцҗ, Элстд О.И.Городовиковин бумблвин өөр шинкн көдлмштән орҗадг баахн приставмуд андһаран өгв.

Хамгин түрүнд Хальмг Таңһчин ах пристав Роман Мухортов үг авч, эн җилд Әрәсән приставмудын заллтын 160 җилин өөнлә йөрәһәд, баахн мергҗлтнрт күцәмҗ болн цаһан хаалһ дурдв.
Таңһчин Улсин Хуралын (Парламентин) депутат, «Төрскән харсачнр» саңгин һардач Хаалһин Очр, Хальмгин УФССП-н медлд бәәдг олна хүүвин ахлач Елена Крылова, СВО-н ветеран, «Дәәч» төвин элч Нахошкинә Мингиян керг-үүлдврт орлцад, олна йөрәлин үгд багтв. Энүнә йовудт заллтын көдләчнр цергә белдврән болн бу-селм яһҗ олзлдган үзүлв. Тер мет заллтын ончрсн арвн хойр көдләч Күндллһнә һашгудар болн Ханлтын бичгүдәр ачлгдсн болдг.
Керг-үүлдврин чилгчәр урднь бичкдүд дунд Әрәсән приставмудын заллтын 160 җилин ончта өөнлә ирлцҗ зарлгдсн зургудын марһана ашнь диглгдв. Хамгин бичкн наста орлцачнр дунд Лиҗин Аюр ончрв, дунд багд Сахора Виктория, ах багд болхла Дорҗин Данзан диилвр бәрв.

КАРСАНА Евгения