Шин эрдм дасчана

«Кадрмуд» гидг келн-улсин төсвин «Көдлмш олҗ авхд туслдг керг-үүлдврмүд» гидг көтлврин йовудт әмтн шин эрдм өңгәр сурч, шин көдлмш олҗ авч чадҗана. Ода мана таңһчд 353 иргн эн көтлврин йовудт шин эрдм дасчана, 13 күн сурһулян төгсәсн бәәнә.

Эн көтлврт 50 нас күрсн болн терүнәс ах, удл уга пенсьт һарх улс, үрән асрад көдлмш уга бәәдг күүкд улс, цергә шишлң керг-үүлдврин ветеранмуд, СВО-д әмнәсн хаһцсн цергчнрин өрк-бүлин гешүд, 35 нас күрәд уга баһчуд болн эрмдгтә улс орлцад, шин эрдм дасч чадна. Әмтн нурһлҗ өдгә цага эв-арһ олзллһна, гемтә улсиг асрлһна, инженерин болн нань чигн эрдм дасх санаһан медүлнә. Тааста эрдм шүүҗ авсн улс Томск, Әрәсән күч-көлснә номин-шинҗллтин ик сурһульд, РАНХиГС-т болн эрдмин халхар сурһуль делгрүллһнә күрәлңд сурна. Сурһуль ниигмин сүлҗәнә эв-арһар давулгдна, тегәд шаңһа көтлврин нилчәр гертәсн холд йовлго шин эрдм дасч болхмн.

БАТАН Сәәхлә