Мелиорациг делгрүлхәр

2024 җилд таңһчин һардвр селәнә эдл-ахун мергҗлтнрлә хамдан мелиорац делгрүлхин болн малын хот кеҗ һарһхин туст шишлң көтлвр батлв. Терүг күцәлһнә йовудт 2030 җил күртл 17 миңһн гектар аһу һазр олзлад, малын хот кеҗ һарһлһиг икдүлҗ болхмн.
– Хаврин цагт услврин һазрин аһу икдүләд, керглгдҗәдг малын хотыг 102 процентд икдүлҗ болв. Малын хотын кемҗәг икдүлхлә, мал өсклһнә болн тәрә тәрлһнә төлә сән таал тогтхнь лавта. Таңһчин селәнә эдл-ахун министерствд, АПК-н халхин көдләчнрт болн арһлачнрт ханлтан өргҗ, цааранднь күцәмҗ дурдҗанав, – гиҗ Хаска Бату темдглв.
ОЛЬДАН Цаһан