Энергетикин көдләчнриг темдгләд

Шидр Элстд энергетикин халхин көдләчнриг сән өдрләнь йөрәҗ темдглв. Өдр болһн мана гермүд болн таңһчин бүрдәцс шамар болн дулаһар теткгднә. Эннь энергетикин халхин көдләчнрин ач-тус болдгинь темдглх кергтә.

Сән өдрләнь энергетикин көдләчнриг Хальмг Таңһчин Толһач Хаска Бату йөрәв. Энүнә келсәр, энергетикин халх таңһчин улсин әәмшг уга болн сән таал тогталһна нег һоллгч улнь болна. Өдр-сө уга 1300 һар көдләч кергән күцәҗ йовна. Эн җилд энергетикин халхд шаңһа дем йилһгдәд, «Россети» ПАО-ла хамдан күцәгдҗәдг көтлвр эн халх делгрүллһнд туслҗана. Ирлцңгү көтлвр тавн җилдәд күцәгдәд, энергетикин кергсл ясгдад, шишлң техник хулдҗ авгдхмн. Тер мет мана таңһчд көдлмшин шин ормс бүрдәгдхмн, гиҗ Бату Сергеевич темдглсн болдг.
Тогтсн авъясар керг-үүлдврин йовудт халхин ветеранмуд болн ончрсн көдләчнр олн зүсн темдгүдәр ачлгдв.
ОЛЬДАН Цаһан