Арвтын экин туст керг бүтәгдв

Элст балһсна зарһин приставмудын 1-ч әңгд насни дигт күрәд уга зөв-йос эвдсн арвтын экин туст керг бүтәгдв.
Арвн зурһата көвүн талдан көвүг толһаһарнь шиләр цокад, аштнь тернь эмнлһнд тусв. Шавтсн көвүнә экнь зарһд ирәд, эрлһ бичв. Энүнә көвүг шавтсн арвн зурһата көвүнә эк зарһин шиидврәр 300 миңһн арслң өгх зөвтә болв.
Зарһин шиидврәр батлгдсн өдрт эн мөңгн ирсн уга. Тиигхлә арвтын экин өлг-эд бәрәнд авгдв. Тер бийнь өрән эн даңцасн уга. Дарунь күүкд күүнә җалвин хүвнь хасгдх гисн шиидвр һарһгдв болн эн орн-нутгасн һарч йовдг зөвән геесн болдг.
Ирлцңгү эв-арһс олзлгдавд, энүнә ашт зөв-йос эвдсн арвтын экнь өрән бүклднь даңцав.

ОЛЬДАН Цаһан