Гер-бүүрин таалан ясрулв

2025 җилд мана таңһчд 521 өрк-бүл экин региональн сертификатын мөңгиг гер-бүүрин таал ясруллһнд, бичкдүдин эмнлһнд, сурһуль сурхд олзлв. Ут тоодан эдн 49,7 сай арслң эн кергүдт һарһв.
Өрк-бүлмүд экин сертификатын мөңгиг нурһлҗ гер-бүүрин таал ясруллһнд олзлна, тиигәд 69 өрк патьр эс гиҗ гер хулдҗ авв, 322 өрк-бүл болхла гертән ясвр кев. Экин сертификатыг «Демографь» гидг келн-улсин төсвин «Үрнь төрҗ һарсн цагт өрк-бүлд дем күрглһн» гидг региональн төсвин йовудт өгнә. 2026 җилд терүнә кемҗән өсв. Тиигәд, 2012 җилин туула сарин 1-әс авн 2018 җилин бар сарин 31 күртл сертификат авх зөв учрсн болхла, терүнә кемҗән 90505,36 арслң тогтана. 2019 җилин туула сарин 1-әс авн 2026 җилин бар сарин 31 күртл тиим зөв учрхла, региональн сертификат 139175,03 арслң болхмн.
БАТАН Сәәхлә