Баһ теткрвтә улсиг дөңнәд

Хальмг Таңһчин социальн теткврин, күч-көлснә болн көдлмшәр тетклһнә министерствин зәңглсәр, эн җил социальн бооца батлҗ шаңһас дөң авх улсин то өсхмн. Тиигәд, эн җил мана таңһчд 1937 күн эн көтлврт орлцҗ чадхмн. Социальн бооца батлх 719 күүнд дөң күргхин төлә шаңһас 170,7 сай арслң йилһгдхмн.
Сүл тавн җилин эргцд мана таңһчд 3149 социальн бооцан батлгдв. Эн көтлврин йовудт 11 миңһн күүнд дөң күрглһнд 582 сай арслң һарһгдв. Социальн бооца батлсн күн дөрвн зөрүллтәр шаңһа мөңгиг олзлх зөвтә. Тиигәд, эдн көдлмш олҗ авх, эврә керг бүрдәх, онц эдл-ахуд мал асрх эс гиҗ күнд җирһлин таалас һарх керг-үүлдвр күцәһәд, олз-оруһан икдүлҗ өрк-бүлән теҗәх зөвтә.
БАТАН Сәәхлә