Бичкдүдт сән таал тогтаһад

Дорас өсч йовдг үйнрт сән сурһмҗ өглһн олна керг болна. Ах үйин улсиг күндләд, теднә үлгүрәр үрдән өскх кергтә. Бичкн болһниг соңсад, керг-төртнь орлцад, оньган тусхах зөвтәвидн.
– Ким Александрин һардврт үүлдҗәдг Хальмгин сурһуль-эрдмин болн номин министерств ирлцңгү керг-үүлдврмүд даңгин давулна. Арвтнрла болн теднә эк-эцкнрлә залһлда бәрҗ, олн зүсн төрмүдиг дор ормднь хаһлна. Мана бичкдүд сән чинртә сурһуль болн чик сурһмҗ авхин төлә теднд сән таал тогтах кергтә. Эн туст мана орн-нутгт, нег үлү мана таңһчд, шаңһа төсвс болн көтлврмүд сән йовудтаһар күцәгдҗәнә. Сүл дөрвн җилин эргцд «Негдсн Әрәсә» партин ирлцңгү көтлвр күцәлһнә йовудт Хальмг Таңһчд 57 дунд сурһуль ясгдв. Эн җил болхла 21 сурһульд болн зурһан бичкдүдин садт бат ясвр күцәгдхмн, – гиҗ таңһчин Толһач Хаска Бату темдглв.
ОЛЬДАН Цаһан