Рязань балһснла нөкцлт делгрхмн

Сегодня, 13:32 | Общество

Одахн Аһш балһснд Алдр Диилврин Өдр темдгллһнә кергт мана таңһчин делегац орлцв. Терүнд Элст болн Рязань балһсдын хоорнд нөкцлтин бооцан батлгдв.
Элст Рязань балһснас зөвәр хол бәәдг бийнь әдл тоот бәәдгәрн өөрхн балһсд болна.
Элст балһсна Хургин ахлач Максим Сорокинә келсәр, мана арвтнрин кесгнь дунд сурһулян төгсәһәд, Рязань балһсна нисәчнрин нер һарсн ик сурһульд орҗ сурхар зүткнә. Тер мет батлгдсн бооцана йовудт сурһуль-эрдмин, сойлын зөөр хадһллһна, балһснд сән кец-таал тогталһна халхар болн талдан соньн төсвс күцәгдх, гиҗ Максим Александрович темдгләд, Рязань балһсна толһач Татьяна Панфиловад ханлтан өргв.
Нөкцлтин бооцана төсвс сән йовудтаһар күцәгдәд, хойр балһсна делгрлтд туслхнь лавта.
ОЛЬДАН Цаһан

Видео