Әрәсән туг делсв

Сегодня, 11:47 | Политика, Общество, Таңһчин зәңгс, Зіњг

Бембә өдрлә Элст балһснд болн таңһчин райодар орн-нутгин тугин Өдрт нерәдсн керг-үүлдврмүд давулгдв. 1994 җиләс авн орн-нутгин Президентин зәрлгәс иштә ноха сарин 22 – Әрәсән тугин Өдр болҗ батлгдв. Элстин Диилврин паркд байрин концерт болв. Асхн тавн часла паркд олн-әмтн цуглрв.
Сойлын таңһчин төвмүдин, «Движение первых» җисәнә, «Негдсн Әрәсән баһчудын гвардин» болн «Дәәч» төвин элчнр, СВО-н ветеранмуд Диилврин паркин талвңд Әрәсән ик тугиг һарһв.
Элст балһсна Хургин депутат, цергә шишлң керг-үүлдврин ветеран Чумуда Николай тәәз деер һарад, цуглрсн улсиг сән Өдрлә йөрәв.
Хальмг Таңһчин Толһач Хаска Бату ниигмин сүлҗәнд Әрәсән тугин сән Өдрлә нег һазра улсан бас йөрәв: «Цаһан, көк, улан өңгтә Әрәсән тугин төлә эндр мана орн-нутгин дәәчнр Төрскән харсч йовна. Әрәсән туг мандлад, орн-нутгин частр соңсгдхла, алдр нутгин иргн болҗахан меднәч. Күндтә нег һазра улс, спортын марһаст чигн, олна бәәдл-җирһлд орлцҗ, кергән күцәхлә, орн-нутгин туган әрүнәр хадһлҗ харсч йовтн».
ОЛЬДАН Цаһан

Видео