Партин көтлврин тускар

Сегодня, 13:20 | Политика, Общество, Таңһчин зәңгс, Зіњг

Урҗ өдр «Справедливая Россия» партин Хальмг Таңһчин әңгин элчнр седкүлчнрлә харһҗ, Әрәсән орн-нутгт миграцин болн социальн-экономикин халхар үүдсн сурврмудар цәәлһвр өгв.
«Справедливая Россия» партин таңһчин әңгин ахлач Наталья Зинченкон келсәр, эднә үүдәсн көтлврлә ирлцәд Әрәсәд көдлхәр талдан нутгудас ирсн улс эрк биш шишлң цаас авх зөвтә болҗана. Урднь эдн шишлң бәрмт цаасар көдлх зөв авдг билә, ода болхла энүг уурулхар седвәр орулгдҗадг болв. Көдлҗәдг ормднь һардачнр социальн халхар туслмҗ күргәд, тедниг көдлмшт авх зөвтә болна.
Партин таңһчин әңгин гешүн Марина Толстикова социальн халхар шаңһас йилһгддг демин тускар келв. Тер мет Марина Бадмаевна партин көтлврт орсн селәнә эдл-ахун, зуульчллһна, олн үртә өрк-бүлмүдин болн талдан төрмүдин тускар цәәлһвр өгв.
Хальмг Таңһчд күүнә зөв харсдг бүрдәцин шинҗләчнрин хүүвин гешүн Елена Крылова деер келгдсн тоотын туст юридическ халхар ямр көдлмш давулхин тускар бас тодрхаһар келв.
ОЛЬДАН Цаһан

Видео