Хаалһст әәмшг уга бәәдл тогтахар

Сегодня, 12:37 | Общество, Таңһчин зәңгс, Зіњг

Одахн Элст балһсна 17-ч тойгта дунд сурһульд Хальмг Таңһчин ГАИ-н ах инспектор, полицин полковник Галимджан Нурнахамбетов эк-эцкнрин хургт орлцв.

Харһлтын йовудт Галимджан Хасанович насни дигт күрәд уга арвтнрин орлцлһтаһар хаалһст учрдг зеткртә йовдлмудын тускар келв.
Сүл цагт эк-эцкнр дунд классмудт сурдг үрдтән мотокөлг хулдҗ авна. Зуг терүнә ашт ямр йовдл учрдгинь оньган өгхәр седхш. Энүнәс иштә ГАИ-н көдләчнр цәәлһвр өгхин төлә даңгин ирлцңгү көдлмш бүрдәнә.
Зөв угаһар мотокөлг залад, хаалһар йовсн көвүд-күүкд ик әәмшг учрана. Эк-эцкнрнь эн туст үрдән даңгин бүрткх зөвтә. Кемр зеткртә йовдл учрхла, эк-эцкнрин туст керг чигн бүтәгдәд бәәхмн. Зуг эн тоотыг учртан авлго, кесгнь санамр бәәнә.
Хургин йовудт ирлцңгү цәәлһвр авад, соньмсулҗадг сурврмудан өгч, эк-эцкнрт тодрха хәрү авдг саам учрв.
ОЛЬДАН Цаһан

Видео