Алдр номт Зая-Пандитд нерідљ

Гегін герлин болн бурхн шаљна ўўлдіч номт Оєтрєуйин Дала Зая-Пандитын ґґнд нерідсн керг-ўўлдврмўд тањєчин цуг школмудар, сурєуль-эрдмин учрежденьсір одахн давв. Мана С.Радонежскийин нерті орс келс-улсин гимназьд бас соньн керг-ўўлдвр давулгдв.

Гимназин багшнр Болха Бадмаева, Надежда Иванова, Надежда Эрдни-Горяева, Кермен Сакилова, Алла Пюпбеева ахта сурєульчнр дунд зург зурлєна, шўлгўд айслулљ умшлєна болн єарин эрдмин марєас бўрдіљ давулв. Тавдгч классин сурєульчнр музейд одад, Зая-Пандитд нерідсн «Тод бичгин бўрдієіч» гидг єііхўлд орлцв. Эн єііхўлиг музейин єардач, хальмг келні багш Алла Пюрбеева белдв. Багшнр Надежда Иванова болн Кермен Сакилова 7-ч классин сурєульчнрла Элст балєсна ніімдгч микрорайонд біідг Зая-Пандитд нерідсн бумб тал одљ, экскурсь-кичіл давулцхав. Орс келні багш Ираида Худольчаеван єардврт 6-7-ч классин сурєульчнр Зая-Пандитд нерідсн ахр шўлгўд ўўдів. Эн марєанд сурєульчнр шунмєа кевір орлццхав. Кўўкдин бичсн шўлгўд соньн болн гўн учр-утхта болв. Гимназин дегтрин сањгиг єардљах Татьяна Пуденко «Тод бичг болн Зая-Пандит» гидг дегтрин єііхўл бўрдів. Арвдгч классин сурєульчнрла хальмг келні багш Алла Пюрбеева «Ойратское ясное письмо и его создатель» гидг викторин давулв. Эн марєанд Китчеева Даяна тўрўн орм эзлв.

Дікід болхла гимназьд хальмг хуучн бичгт нерідсн «Алдр номт, гегірўлгч, Бурхн Багшин ном тархаєач Зая-Пандит» гидг нерідлєті харєлт болв. Терўнд номт Андрей Васильевич Бадмаев орлцв. Харєлтыг гимназин єардачин дарук Юлия Шишкарева секід, олн љилмўд давв чигн алдр номтын дўр мґњкинд кўўні седкл-уханд ўлдні. Юњгад гихлі кесн кергнь эндр ґдр кўртл олн дунд олзлгдљ, ўлгўр болљ йовна гив. Соньн харєлтыг хальмг келні багш Надежда Иванова єардад, Зая- Пандитын љирєлин болн ўўділтин тускар презентац ўзўлід, сурєульчнрт тодрхаєар келљ ґгв. КГУ-н оютнрт тод бичг дасхдг номт Андрей Бадмаев сурєульчнрин сурврмудт тодрха хірў ґгв. Харєлтын чилгчір Андрей Васильевич тод ўзгір йґрілин ўгін бичід, дегтрин сањд ўнті белгін нерідв. Нерті номтын туск шўлг ўўділєні марєанд 6-ч классин сурєульч Музан Бати ончрв. Зая-Пандитын сін ґдрт нерідсн марєанд диилвр бірсн кўўкд-кґвўд харєлтын чилгчір Кўндлєні єашгудар ачлгдв.