Сурємљлачин ґдр - олна ик байр

Эндр, сентябрин 27-д, мана орн-нутгт сурємљлачин болн дошкольн учрежденьсин цуг кґдлічнрин ґдр темдглљіні. Эдн цугтан хамгин ик дааврта ўўлдвр кўціљ мана иргчиг- бичкдўдиг ґскљ, эднд сурємљ, медрл ґгні, эрўл -мендинь батрулна. Орн-нутгин єардвр бичкдўдин садмуд улм ик кемљітієір тосхлєнд єол оньган ґгні, тиим неквр Ірісін президент Владимир Путині май сарин зірлгўдт тівгдљіні. Тернь учрта, яєад гихлі імтні тоог икдўллєні демографическ политик ґргір кўцігдљіні, бичкдўдин то ўзмљтієір ґсід йовна, тегід эднд сін сурємљ ґглєні, біідл - љирєлин таалынь ясруллєна кем ирв.

Тегід хамгин тўрўнд бичкн иргнмўдин тґлі ґдгі цагин цуг сін таалта, бассейнті, Интернетті садмуд тосхх кергті. Орн -нутгин президентин даалєвр сін йовудтаєар мана тањєчд кўцігдљіні, одахн Элстд ґдгі цагин цуг сін таалта хойр сад эдлврт орулгдв, кесг садмудт капитальн ясвр кегдв, урднь садын гермўдиг эзлсн талдан учрежденьс терўг сурєуль - эрдмин халхд хірў ґгчіні.
Одахн Троицк селінд шин сад эклід тосхгдв, райодар дошкольн учрежденьсір тетклєні тґр ода нам икнкдін кўцігдсн бііні гиљ келљ болхмн, зуг Элстд біідл чинврті болљ ўлдљіні.

Тиим болв чигн садмудын кґдлічнрин коллективс бичкдўдт олн халхин сурємљ, бат медрл ґглєні, эдні эрўл-мендинь батруллєна ик кґдлмшін даавртаєар кўціљіні. Эдні ўўлдвринь ґґдінір ўнлљ бає наста сурємљлачнрт 100 мињєн арслњга дем нег дікљ ґглєні туск зірлгиг тањєчин Толєач Алексей Орлов батлла, энўг гер эс гиљ патьр хулдљ авлєна, љирєлин таалан ясруллєна тґлі олзлљ болљана. Одахн Элстд багшнрин болн садмудын сурємљлачнрин тґлі шин гер эдлврт орулгдла. Тернь тањєчин єардвр дошкольн учрежденьсин делгрлтд ґгчіх килмљин тускар бас нег герчлљіхнь лавта.

Сурємљлачнр бичкдўдт хальмг кел дасхлєна дааврта кергиг бас кўціљіні, эднлі хамдан кґдлљіх тґрскн келні багшнр ик дґњгін кўргні, хальмг авъяст, нір-нааднд нерідсн кесг керг-ўўлдвриг эдн хамдан бўрдіні, эн кґдлмшт эдн бає наста эк -эцкнриг орлцулна. Тиигљ бичкнісн авн тґрскн келін дасад бііхлі иргчдін эдн келін мартшго, зуг гертін чигн аав-ээљнь, эк-эцкнь эднд шин ўг зааљ хальмгаєар нам цґґкн юм болв чигн келхлі эдні ачнр -зеенрнь ґвкнрин кел цааранднь сіінір дасад бііх.

Ґдгі цагт тер кергт компьютер, Интернет олзлљ болљана, кесг бичкдўд планшет олзлдгинь сіінір медні, тер медрлинь тґрскн кел дасхлєна тґлі бас олзлхла туста болх.

Ода сурємљлачнрт тівдг неквр цаг ирвіс ґсід йовна, эдн федеральн стандартмудла ирлцітієір сурємљ, медрл ґгч бичкдўдт килмљін ґгх зґвті. Тегід сурємљлачнр, дошкольн учрежденьсин цуг кґдлічнр шин технологий олзлљ ґсљіх ўйнрт тґрскнч седклин, авъясин бат сурємљ ґгч тедніс йоста иргнмўдиг ґскљ чадх гисн бат ицг бііні.