Энергетикўд ўвлд белн

Урљ ґдр Хальмг Тањєчин правительствин Ахлачин ўўлиг цаг зуур дааљах Игорь Зотов імтиг электрокўчір теткдг предприятьмўд ўвлин кемд яєљ белдљіхин тґрір ґргн селвлці давулв. Эн керг-ўўлдврт Хальмг Тањєчин ЖКХ-н болн энергетикин министрин дарук С.Точка, «Калмэнергосбыт» компаня заллгч єардач И.Деревенченко, «КалмЭнергоКом» ОАО-н кўцігч єардач Александр Кекеев, «МРСК-Юга»-«Калмэнерго» ОАО-н Хальмг филиалын директорин дарук Виктор Чернявский орлцв. Селвлціг Игорь Зотов секід, эн љил ўвл дегд киитн болх гиљ синоптикўд зіњглљіні, тегід імтиг тасрхан угаєар электрокўчір, дулаєар теткхин тґлі эн ґдрмўдт предприятьмўд кґдлмшін даавртаєар кўціљ, ясвран тґгсіх зґвті гив. Селвцінд орлцсн «Калмэнерго» ОАО-н єардачин дарук Виктор Чернявскийин келсір, эн љилин зураєар ясврин 32 кґдлмш кўцігдв. Эн ґдрмўдт «МРСК-Юга» компаня экспертмўд ямаран кевір мадн ўвлд белдсиг бўрткљ хіліљіні, терўні хґґн паспорт ґггдхмн. Элст балєснд ясрин кґдлмш бас кегдв, тер тоод аварийн сањ бўрділєнд кергті тоот хулдљ авгдљана. Тегід ўвлдін імтиг тасрхан угаєар шамар, дулаєар теткхин тґлі эн ґдрмўдт цугнь кегдљіні.

«Калмэнергосбыт» ОАО-н компаня заллгч єардач Игорь Деревенченко бас ахр тооца кев.

Хальмг Тањєчин ЖКХ-н болн энергетикин министрин дарук Сергей Точка келсір, электрокўчні компаньс эн ґдрмўдт намрин-ўвлин кемд белдлєні кґдлмшін дуусчана. Тегід ямаран кевір тедн белдснь намртан, ўвлдін медхгдх. Иим кґдлмш кехин тґлі цуг таал бііні. Эндр ґдр район болєнд тањєчин аварийн кґрњ бііні. Кемрљін шам унтрхла, тер дарунь дизель-генератор олзлгдх, иим оборудовань район болєнд бііні. Тегід социальн чинрті объектмўд шам угаєар ўлдшго. Эн љилин ноябрь сарин 15 кўртл электрокўчір теткдг компаньс дулалєна кемд белдлєні паспорт белдх зґвті, эн керг-ўўлдвр зураєар кўцігдљіні. Кемрљін эн љил намр дегд киитн болхла, гермўд болзгаснь эрт дулаєар теткгдх.

Игорь Деревенченкон келсір, эн љилин 8 сарин туршарт хулдљ авгдсн электрокўчні мґњгн кўцц дањцагдв, зуг давсн љилмўдин ґрн бііні. Элст балєсна «Коммунальник» болн «Восток-Сервис» гидг олн давхр гермўдин залврин компаньс ода кўртл электрокўчні мґњгиг ґгід уга. Иим біідл мадниг ўўмўлљіні. Кемрљін эдн мґњгін цаглань эс ґгхлі, залврин компаня медлд ордг олн давхр гермўдиг шамар тетклєиг баєрулх санатавидн. Иим эв-арє олзлсна хґґн біідл ясрхнь маєд уга, - гиљ И.Деревенченко келв.

Намрин-ўвлин кемд тањєчин энергетикўд белн гиљ И.Зотов сўўриг товчлв.