Ўўдігч ўўлдвр сін ашта болљана

Тањєчин сойлын министерств љилин туршарт болљах йовдлмудын тускар тасрхан уга зіњглні. Љилин эклціс авн болзг-болзгар журналистнрла харєад, ведомствин єардач Амуланг Учурова ямаран керг-ўўлдвр кўцігдсні тускар, шин ямаран керг кегдхин тускар соњсхдг йовдл сін авъяст тохрв. Ода болсн дарани харєлт шин кемљінд болв. Сойлын учрежденьсин єардачнр брифингд орлцљ, эврі халх кґдлмшин тускар барин кґдлічнрт келљ ґгв.

Ірісід болн нарта делкід ик чинрті болсн Олимпийск наадна сойлын программд орлцсн «Бамб цецг» ансамблин директор Тюрвя Босхомджиев коллектив давсн йисн сарин дотр кељ-кўцісн тоотын тускар келљ ґгв. Концертн ўўлдврин, тер дотр гастрольн болн селіні улст сойлын халхар кўргљіх теткврин тускар директорин ўгд келгдв. Тањєчд болдг олн тоотд эн ансамбль шунљ орлцна. Тывад болсн нарт-делкін «Сердце Азии» нерті фестивальд орлцад, хальмгудын билг-эрдмиг йилєін сіінір ўзўлід, ансамбль нўр орм эзлід ачлгдв. Сойлын талдан учрежденьсла, тер тоод улсин ўўділтин тањєчин герлі хамдан ўўллдљіхиг темдглв, концертн шин постановкс белдљіхин тускар зіњглв. Декабрин 16-д «Бамб цецг» Санкт-Петербургд, декабрин 19-д Москвад концертмўд ўзўлхмн.

Келн-улсин оркестр давсн цагин туршарт 50 єар концерт ўзўлв. «Љилин кўн» гидг йосрхлын товчлгч сўўрт, Ставропольск госфилармоня ґґнд нерідсн байрт, «Пентатоника» нарт-делкін фестивальд болн нань чигн чинрті кесг керг-ўўлдврт орлцљ, Келн-улсин оркестр Хальмгин кґгљмлі олн соњсачнриг таньлдулв. Хальмг Тањєчин ачта артистк, Улсин Хуралын депутат, оркестрин директор Данара Шалханова журналистнрт келљ ґгв. Регионмуд хоорндк залєлдаг батллєнд Ар-Ўзгин Осетин Алания республикин коллективла хамцу ўўлдљ, сольлцана концертмўд келєн туслљахинь Данара Борисовна темдглв.

Келн-улсин музейин іњгин єардач Светлана Оконова Ірісін кемљінд чигн чинрті регионмуд хоорндк кесг тґсв музей Сойлын љилд кељіхин тускар зіњглв. Ґґр эргнд бііх балєсдын музеймўдлі ўўдігч нґкцлт батрв. Иигід Іідрхні музейіс «Дірин тууљ» («История пороха») гидг єііхўл Элстд ўзўлгдв. Тенд болхла хальмгудын нўўдл цагин тууљла таньлдулљ экспозиц ўзўлсмн. Урдк љил «Арт-экспресс» гиљ нерідгдсн єііхўл эн љил «Теегин галерей» гиљ нерідгдід, Ірісін ґмн ўзгин регионмудыг хамцулсн дамљљ йовдг єііхўл бўрдісмн. Тањєчин селідір бііх музеймўдиг Элстд цуглулад, Ўр сарин ґдрмўдт ўзўлсн йовдл імтні оньг эзлсиг Светлана Владимировна тодлљ келв. Сойлын министерств эн ўўлдвриг дґњнід, селіні музеймўдин кґдлічнриг Іідрхні музейд авч одад, мергљдтинь ґґдлўлхір бііні.

Библиотексин ўўлдврт электрон эв-арє олзллєна халхар Келн-улсин библиотек сўл љидмўдт ик кґдлмш кељіхин тускар директор Надежда Уластаева тодрхаєар келљ ґгв. Дегтр умшуллєнд імтиг, тер дотр баєчудыг орлцуллєна туст ямаран янз олзлљ кґдлдгиннь тускар Надежда Бадмаевна келід, хальмг келн улсин ухани зґґриг ґдгі цага эв-арєар цуг Ірісн умшчнрин оньгт тусхахар тањєчин єоллгч библиотек кељіх кґдлмшиг ўзўлљ чадв. Селіні библитексин чинринь ґґдлўллєнд ик оньг ґггдљ, Хомутниковск библиотекин ул деер модульн библиотек бўрдіљ, тањєчин семинар кегдсиг эн темдглв.

Сойлын љилд Хальмгт улсин ўўділтин тањєчин герин концертн талвњгд секгдсинь цугтан тодлна. Цутхлњ герин директор Джиргал Тачиева келсір, эдні медлд ўўлддг улсин єурвн коллектив «Љањєр» ансамбль, «Эрдм» ансамбль, ветеранмудын хор сойлын љирєлд шунмєа кевір орлцна. Ірісін сін гисн ўўдігч коллективсин тоод ордг «Љањєр» ансамбль региональн хіліврт нўр орм эзлсн тґлідін Сочи балєснд болх Сойлын љилин товчлгч ик байрт орлцх кўндті зґв авсмн. Воробьевк селіні сойлын гер эдні дікн нег концертн талвњгнь болв. Даруєас эн герин медлд кегдх керг-ўўлдврмўдин тускар чигн Д. Тачиева келљ ґгв.

Драмин болн комедин орс театрин тґлі давсн театральн сезон йир соньн болв. Кесг шин наадн театрин тііз деер ўзўлгдв. Тедніс кесгнь гастрольн йовлєна кемд болн фестивальмудын кемљінд ўзўлгдљ, театрин тоомсринь ґґдлўлв. Театр шин сезонан октябрин 9-д эклљіхин тускар, олн хілієічнрин оньгт шин хойр наадн ўзўлгдхин тускар театрин директор Валентина Горяева келв. Эн театрт тавн баахн актер немгдв.

Басњга Баатрин нерті Келн-улсин драматическ театр хальмг драматическ искусств Ірісн кемљінд нер єархд туслсн ик кґдлмш кесмн. Кесг фестивальд орлцад, сольлцана гастрольмуд кеєід, театр ўўлдврин мељієін улм ґргљўлв. Азербайджанск театрла залєалдан батрсна тускар театрин генеральн директор Галина Шураева келљ ґгв. Театр сезонан дассн авъясар ноябрин 9-д эклљіні. Басњга Баатрин «Чуучі» наадар сезонан эклід, театр соньн кесг наад хілієічнрин оньгт белдљіні.

Хальмг госфилармоня ўўлдвр Сойлын љилд зґвір соньн болн ик чинрті болљахинь олн хілієічнр ўзљіні. Сойлын халхар гегірлтин кґдлмш кеєід, кґгљмин кесг янзар керг-ўўлдвр энд кегдљіні. Тер ўўлдврин тускар Филармоня директор Хальмг Тањєчин искусствин ачта ўўлдіч Аркадий Манджиев келљ ґгв. «Алеко» опер тівљ ўзўлсніннь хґґн ода филармонин коллективс хойр іњгті «Бабий бунт» гидг оперетт ўзўлхір белдљіхин тускар Аркадий Наминович келв.

Сойлыг учрежденьст кґдлдг специалистнр белдлєні сурєулин заведеня – искусствин Элстин колледжин директор Любовь Горяева келсір, Сойлын љилд тањєчд тўрўн болљ сойлын заведеньсір кґдлљіх багшнрин тўрўн тањєчин форум кегдсмн. Тўрўн болљ билгті бичкдўдин зуни сурєулин школ кґдлсмн. Ода сойлын эн учреждень эрмдгті бичкдўдин тањєчин фестиваль кехір белдљіні.

Сойлын учрежденьсір болн ўўдігч коллективсір кґдлх кадрмуд белдлєні тґрір соньн кўўндвр болв. Зуг ик чинрті эн тґрір онц статья белдгдхмн.

Пресс-конференциг ашлљаєад, министр А. Учурова Сойлын љилиг ончрулх нань чигн керг-ўўлдврмўд тањєчд кегдхин тускар, тер ўўлдвр кўціљіх улсин ґргмљті шунлтыг темдглв.

Галина Хейчиева
А. Зундугинован цоксн зург