Олна организацсин нилчинь ґґдлўлхмн

Бичкдўдин, арвтнрин зґвиг харслєн - мана біідл -љирєлин хамгин хурц тґрмўдин негнь. Бичкдўд бґдўн кўўніс, нам ахнрасн, эк-эцкісн бийін харсљ чадшго, тегід терўні зґвинь орн- нутг, олна организацс харсх зґвті. Кемр ґрк - бўлднь бичкн кґвўг, кўўкиг мууєар хілієід гўвдід біідг болхла, терўг шањ дарунь эк- эцкіснь булаљ авад социальн приютд эс гиљ ґнчн бичкдўдин герт ґгні. Єазадын орнд тиим йовдл дару-дарунь єарна. Манад болхла тиим юмн ґрк-бўлд учрдг болв чигн біідл сольгдхш. Бичкдўдин зґв харслєнд олна организацс яєљ дґњ болљ чадхин тускар сентябрин 30 - д болсн тањєчин конференцд тодрха кўўндвр болв.

Сўўриг Хальмг Тањєчд бичкдўдин зґвинь харсдг кўцц зґвті элч Ольга Умгаева секід эн тґрт эндр ик чинр зўўлєљіхин тускар келв. Ўлгўрнь, бичкдўдин сурємљиг улм дигті-даратаєар бўрдіхин тґлі федеральн болн тањєчин кесг грантмуд ґгні. Терўг олзлљ сурємљин кґдлмшиг улм соньнар болн тустаєар кељ болљана . Ўлгўрнь бичкдўдин зґв харсдг элчин сайтд тиим грант ґгдг кесг тоот умшљ, организацсин болн сањгудын хайгинь олљ авч марєанд орлцљ эс гиљ элчин дґњгір тиим грант авч болљана.

Федеральн ик грант авад бичкдўдин болн арвтнрин тґлі каратэ даслєна семинар болн Кґк-тењгсин кґвід лагерь бўрдісні тускар Сикиокусинкай каратэн тањєчин федерацин региональн олна организацин директор Марина Анфимова тордрхаєар келљ ґгв.

Бичкдўд каратэд эс гиљ дііч біір бірлдіні талдан чигн эв - арєд цань уга дурта, тегід мана лагерьт олар ирв, тедн дунд экнь эс гиљ эцкнь уга, бає теткврті ґрк - бўлд біідг кґвўд - кўўкд каратэ дасхар седв. Эдн дунд азд-іср арвтнр бас біісмн, болв ахр цагин болзгт эдн ах кўўг кўндлдг, іср юм єарєдго, дигті-тагта, ўгті- кўўрті арвтнр болв. Лагерьт долан хонгтан біісні хґґн эдн сін сурємљ авад, авг-бірцін сольљ, талдан імтн болв. Терўгі тедні эк- эцкнрнь чигн темдглв гиљ олна организацин єардач заавт.

Тиим кевір улм ик то спортивн организациг эн кергт орлцулљ бичкдўдт сін сурємљ ґгч болљана гиљ сангдна. Тиим лагерьмўд каникулын цагт бўрдіхлі ик туста болхнь лавта. Зуг грантс авдг дамшлтд эдниг олна организацс, министерствс болн ведомстсв дасхх зґвті, тиим сін дамшлтыг мартх зґв угавидн.

Тер мет конференцд бичкдўдин организацсин «Хамдан» гидг негдлтин ўўлдврин тускар спортын, туризмин болн баєчудын политикин министрин дарук Дмитрий Халхинов келљ ґгід сурврт хірў ґгв. Кесг мињєн кґвўд- кўўкд 15 организацд орљ эн «Хамдан» ассоциацд негдўлгдсн бііні. Љил ирвіс энўні тоомсрнь ґсід йовна, сурємљин ик кґдлмш энд кўцігдні. «Солдатский конверт», « От серцда к сердцу», «Карамельная страна» гидг болн кесг нань чигн керг- ўўлдвр энд бўрдігдні. Элстин болн райодын кесг арвад организацин бичкдўд негдлтин ханьд хоорндан ўўрлљ бііні.

Сўл 17-ч фестиваль Хар тењгсин кґвід Евпатория балєснд бўрдігдлі, терўні йовудт «Хадман» негдлтин бичкдўд тґрскн келін, хальмг улсин авъясан дасљ авв, тењгсин кґвід амрч эрўл-мендін батрулв. Конференцин йовудт Элстд біідг арвт Урубжур Бамбышев эн фестивалин, негдлтд кўцідг экологическ акцин тускар келљ ґгв.

Эн љилин ноябрин 20-д бичкдўдт зґв- йосна халхар дґњ кўрглєні ґдр бўрдігдх, терўні тускар тањєчар бііх РФ - н юстицин министерствин заллтын начальникин дарук Виктор Амхаев келљ ґгв. Иим ґдрин йовудт бачм олн тґр хаєлљ болхмн. Ўлгўрнь, Элст балєсна зірм гермўдин подвалд арвад ґрк-бўл бііні, тедн бас коммунальн туслмљин тґлі мґњгін ґгні. Инвалид кўўні эк- эцкнь болзгаснь урд пенсьт єарч чадљана, терўні тускар чигн імтн медхш цуг тер тоодыг ціілєљ ґгх кергті. Тегід тиим керг- ўўлдврт орлцхин тґлі олна организацс эвріннь юристнрін орлцулхла сін болх гиљ заллтын єардач Алексей Надбитов селвгін орулв.

Конференцд тањєчин правительствин Ахлачин дарукин ўўл дааљах Лариса Васильева, министрмўд, олна организацсин элчнр чигн эн кўўндврт орлцљ бичкдўдиг сурємљллєнд улм ик оньган ґгхмн гиљ ашлљ келв.