Номтыг сўл хаалєднь ўдшів

Ґцклдўр РАН-а гуманитарн ном шинљллєні Хальмг институтд нер єарсн номт, кел шинљліч Буляш Хойчиевна Тодаевад нерідгдсн панихид болв. Энўнд номтнр, багшнр, олна ўўлдічнр болн нань чигн улс ирв. Моњєлын, Шинљіні элчнр бас энўнд орлцв. Б. Тодаеван дў кґвўнь – Николай Хойчиевич ўрдўдтієін ирв.

Институтын директор Нина Очирова Буляш Хойчиевна Тодаеван љирєлин хаалєин болн номин ўўлдврин тускар олнд келљ ґгв.

Б. Тодаева 1915 љилин январь сарин 28-д Бає Дґрвді улусин Ик Манлан селінд тґрсмн. Дарук љилд Буляш Хойчиевна 100 насан зўўх біісмн. Б. Тодаева филолог номин кандидатын цол зўўсн тўрўн хальмг кўўкд кўн. Буляш Хойчиевна олн љилдін Москвад бііљ, номин халхар ўўлдсмн. «Моњєл келн», «Ґдгі цагин келні грамматик», «Моњєл келн болн диалектмўд» болн нань чигн олн номин кґдлмш белдљ єарєсмн. Номт Китдт єурвн љилдін біієід, моњєл улсин кел гўўнір шинљлсмн. Тегід номтыг єанцхн Ірісід биш делкід чигн меддг біісмн.

Тањєчин сурєуль-эрдмин болн номин министрин дарук Раиса Дякиева, КалмГУ-н ректор Бадм Салаев, номтнр Николай Убушаев, Владимир Мушаев, Борлык Бадмаев, Намљавин Содмн болн нань чигн улс Буляш Хойчиевнаг бўлінір тодлљ, кесн ач-тусинь темдглв. Б. Тодаева Хальмгин ном делгрўллєнд ик тівцін орулсн кўн. Буляш Хойчиевна РАН-а гуманитарн ном шинљллєні Хальмг институтла олн љилин туршарт ўўлдљ, «Љањєрин» болн келні тґрмўдір хамцу ик чинрті кґдлмш кесмн.

Тер ґдр ўг келсн улс Буляш Хойчиевнан цаєан седклинь, сііхн зањгинь чигн темдглцхів. Эн ґґрхн элгн-садндан ик дґњ-тусан кўргљ, цугтаднь нўдн-амн болљ йовсмн. Москвад кґдлљ йовсн Б. Тодаева Сиврт туугдсн уга билі. Болв Буляш Хойчиевна Сиврт туссн дўўєиннь менд медхір хойр дікљ тиигірін одсмн. Зґрмг кўўкд кўн дўўдін болн ґґрхн элгн-садндан хот-хол, хувц-хунр кўргсмн.

Эн гўн медрлті хальмг номтыг олн імтн кўндлдг біісмн. Тегід чигн сіієін хііхлінь, імтн єундлан медўлљ, РАН-а КИГИ-н хайгар бичгўд илгів. Ґвр Моњєлын университетин ханьд ордг моњєл улсин институтын директор Борджигин Баярмэнд, РАН-а ЮНЦ-н президент Геннадий Матишов болн нань чигн улс ухан-седклін медўлљ, элгн-саднаннь зовлњгинь хувалцв.

Тер ґдр Моњєлас ирсн гиич- гелњ Чимид-Дорљ ном умшсна хґґн чиндрлсн цогцинь тґрскн єазрурнь авч одв. Тендіс номтыг сўл хаалєднь ўдшів.