Диилврин Суврєн Иљлин кґвід дўњгів

Сентябрь сарин 25-д Юстинск района імтні љирєлд чинрті йовдл болв. Энд Цаєан Амнд суврєн секгдв. Диилврин суврєиг секлєні байрт Хальмгин шаљн лам Тэло Тулку ринпоче болн Бурхн Багшин Алтн сўмин гелњгўд орлцв. Суврєиг болн ґґр эргндк єазриг ірўслљ цеврллєні йосрхлыг эдн кўців.

Ик мґргўл кехиннь ґмн Хальмгин шаљн лам келсн ўгдін дґрвн љил хооран суврєн босхгдх єазриг ірўсллєні ўўлдвр кўцісін тодлв. «Ода тадн йир сііхн суврє босхљ аввт. Шаљна эн ірўн тосхлтд орлцсн цуг улст ўнн седклин ханлтан ґргљінів. Урднь тана района єазрт кесг хурл біісмн. Терўнд олн гелњ кґдлљ йовсмн. Ода цагнь ирід, шаљна номин ўўлдвр эклід делгрт авчана. Иигід Иљлин ґґр тадн босхљ авсн суврєн тер ірўн керг ик делгрт авчахинь ўзўлљіні», - гиљ шаљн лам цуглрсн імтнд келв.

Шаљна кергт церглљ, олн-імтндін туслљ йовсн улсин санлд нерідљ Диилврин суврєн тосхгдсмн. Шаљна эн ўўлдвриг чик седклтієір, цуг імті тоотын амулњ љирєлин тґлі зальврљ кўціхмн гиљ дуудвр кеєід, Тэло Тулку ринпоче болн Цутхлњ хурлын гелњгўд шаљна цуг авъясиг кўців. Мґргўл кеєід, шаљна цуг йосар суврєиг ўўлдврт орулснаннь хґґн келсн ўгдін шаљн лам иигљ темдглв: «Эндр ґдріс авн суврєн тосхгдсн эн єазр йир ірўн єазр болљана. Энд ирљ зальврад, бурхнд мґргід, ухан-санаєан батлх таал таднд учрљана. Суврєиг эргід йовад, зальврад, тадн буйн кишгін икдўлх болљанат!».

Хальмгин шаљн лам Тэло Тулку ринпоче, Цаєан Амна СМО-н администрацин єардач Н. Никидов, селіні кўндті медіт Б. Бастаев улан тасмиг керчід, суврєнд мґргх кем ирв. Цугтан суврєна ґґгўр єурв дікљ эргљ єарв. Шаљн ламта хамдан мґргўл кељ, суврєна ґґгўр зальврљ йовсан селіні імтн ик хґв гиљ тоолад, ґргмљті седклті біів.

СМО-н администрацин єардач Н. Никидов района цутхлњгин імтиг байрта эн йовдлла йґрієід, ірўн эн керг кўцілєнд орлцсн цуг улст ханлтан ґргв. Љирєлд ямаран нег йовдл учрхла ирід, зальврад, седклін тґвкнўлдг, ўўрмўдін болн гиичнрін авч ирдг дікн нег ірўн орм селінд босхгдсна чинриг эн темдглв. Суврє тосхлєна бўрдімљин комитетин нерн дееріс района газетин редактор Галина Хуншаева ўг келв. «Эн байрта йовдл бидн дґрвн љилдін белдід, эндр Диилврин суврєан ўўлдврт орулљ аввидн, - гиљ эн келв. - Уданд кўлігдснь байр йир ик. Эн керг кўціхд седклин залмљ болн ик кўчллт керглгдв. Бає наста хальмг гелњгўд Санал Манжеев болн Санал Мукубенов хойр эклц татад, суврє тосхлєнд тўрўн мґњгиг орулљ ґгсмн. Иигід суврєн олн імтні мґњгір, цуг улсин кўчн-чидлір тосхгдсмн. Суврє тосхлєна счетд 130 мињє єар арслњ орљ ирсмн. Района предприятьсин болн учрежденьсин коллективсіс, онц улсас, арєлачнрас тер мґњгн орљ ирсмн. Суврє босххар цугтан арє - чидлін хамцулсмн».

Кўн болєна тівц орад, ик керг кўцсмн. Бўрдімљин комитет хамгин шунмєа орлцачнриг темдглв. Станислав Борисович Тельджиевин шунлтыг болн ик тівциг цугтан темдглв. Селіні администрацин єардач Н. Никидов, архитектор Б. Зедеев кесн кґдлмшинь бас ўнлв. «Номин туг» гидг Элстин шаљна обществин єардач, Цутхлњ хурлын элч Ара-Батыр Мангаев суврєиг шаљна цуг йосар босхлєнд ик дґњ болсмн. Юрий Немжанов, Эрдни Талыков, Альберт Ходжаев, Санал Бовашев, Наран Аршаев, Руслан Горипов, Андрей Манджиев болн олн нань чигн тґрскнч седклті улс суврєна тосхлтд шунљ орлцсмн.

Иигід района олн улсиг ірўн кергин ґґр хамцулсн Диилврин суврєн цааранднь чигн района улст хґв-кишг, амулњгта љирєл дурдљ йовтха!

Ушкана Сувсн
Н. Шалдунован цоксн зургуд