Алдр генералын ґґнд нерідв

Октябрин 1 шинд Элстд, Советск Союзин Герой, олна болн государственн ўўлдіч, генерал-полковник Ока Иванович Городовиковин бумбин ґґр мана орн -нутгин болн тањєчин алдр баатр тґрљ єарсна 135 љилин ґґнд нерідсн митинг болв. Хотл балєсна біірн імтн, олна организацсин элчнр, оютнр, сурєульчнр энўнд орлцв.

Митингиг нўр ўгір сурєуль - эрдмин министр Николай Манцаев секід, Ока Ивановичин Улан іірмиг батруллєна, мана тањєчиг шиніс тогталєна болн делгрўллєні халхар кўцісн ик ўўлдврин тускар келљ, хальмг єазрин алдр ўрні ончта ґґнлінь ирсн цуг улсиг йґрів.

Тер мет митингд Элст балєсна депутатнрин Хургин Ахлач Вячеслав Намруев, мэрийин администрацин толєачин ўўл дааљах Артур Дорджиев, Ока Ивановичин кґвўнь Салават Городовиков, зе кґвўнь Александр Городовиков ўг келљ эндр ґдр цуг тањєчд алдр генерал Ока Городовиковин ґґниг ґргір темдглљіх йовдл мана тањєчин болн орн -нутгин тууљиг ўнн-чик кевір ўнлљіх ґдгі цагин сін темдг болљана гиљ эдн заав.

Школмудт, сурєулин талдан заведеньст сурчах баєчудт Ока Городовиковин ўўлдврин тускар келљ, теднд тґрскнч сурємљ ґгхмн, мана орн-нутгин харслтын кўчиг батруллєар ик ўўлдвр кўцісн баатрин туск санлыг мґњкрўлхмн гиљ ўг келсн улс темдглв.
Митингин чилгчір орлцачнр гўрмр цецгіс бумбд тівљ алдр генералын санлынь тевчв.

ЉААХАН Єуна