Байр белглсн фестиваль

Октябрин нег шинлі Элстин искусствин колледжин концертн ик залд олн бичкдўд тањєчин райодас цуглрљ ирв. Ґњгті сііхн шармуд ґлгљ кеерўлгдсн ўўдніс авн эклід цуг хаалєин йовудт эдниг байртаєар тосљ авв. Кґгљмин сііхн айсиг дахулад колледжин багшнр болн кґдлічнр бичкдўдт оньган тусхав. Эрмдгті бичкдўд цугтала ідл болхар, билгті-эрдмті болљахан медўлхір шунљ, фестивальд ик омгтаєар ирв. Тањєчин єардврин, сойлын, социальн халх кґдлічнріс эднд иим килмљ єарєсинь кўўкд-кґвўдиг икір байрлулв.

«Талисман удачи» нертієір эрмдгті бичкдўдин тањєчин недгч фестиваль иигід Элстд седклин сін біідлд болн бўрдімљин ґґдін кемљінд давв. Район болєнас ирсн билгті бичкдўдиг тањєчин правительствин ахлач Игорь Зотов йґрієід, тањєчин єардвр иим бичкдўдиг дґњллєір цааранднь чигн кўчн-чидлін агсх гиљ келід, фестивальд цаєан хаалє дурдв. Ірісін бичкдўдин сањгин хальмг іњгин ахлач, эн фестивалин жюриг толєалсн Олег Пюрбеев келсір, фестиваль белдлєір ик кґдлмш кегдв.

Фестивалиг бўрдієічин негнь директор Любовь Горяева келсір, эдні коллектив билгті эрмдгті бичкдўдиг дґњнх седвір єарєад, правительств зарлсн грант шўўљ авлєнд орлцад, фестиваль бўрдісмн. Эн фестиваль келєнд сойлын болн социальн делгрлтин министерствсиг, бичкдўдин сањгиг орлцулљ «Талисман удачи» фестиваль бўрдів.

Искусствин колледжин школын сурєульч Дарина Медведева «Сонатина» гидг ўўдівриг татад, фестивалин концертн программиг эклв. Буудян болн алтна туск чинриг дўњцўлљ ўзўлсн Кґглтин Даван гўн чинрті шўлгиг Целинн района Троицк селініс ирсн София Соколова нарна кўчиг бийдін шињгісн буудян учр-утхинь медўлљ чеељір умшљ ґгснь заалд суусн улст йир икір таасгдв. Искусствин колледжин школын сурєульч Давид Хантаев флейт татљ сііхн айсиг – «Элегия» нерті кґгљмиг імтнд соњсхснь кґгљмин нарт-делкін ґдрлі сойлын кґдлічнрт, цуг улст сін белг болв. «Тег» гидг Кґглтин Даван шўлгиг Бає Дґрвді бичкн билгт Анастасия Самбуева умшв. Билгті бичкдўдиг йґрієід, социальн делгрлтин, кўч-кґлсні болн кґдлмшір тетклєні министр Марина Ользятиева, фестивалин дипломс болн ўнті белгўд бичкдўдт бірўлљ ґгв.

Дуулдг, шўлгўд умшдг бичкдўдіс нань зургуд зурдг болн урн эрдмір ўўлддг кўўкд-кґвўд фестивальд орлцв. Урн єарин кегдлмўднь сін халхасн ўнлгдсн бичкдўд Приютненск районд бііхинь фестиваль медўлв. Приютнахн - Иван Санджиев, Даяна болн Нина Бамбаевихн, Диана Кукаева болн Ик Буурла района сурєульч Ислам Магомедов фестивалин белгўд авв. Эднд кўндті мґрієинь тањєчин сойлын министр Амуланга Учурова бірўлљ ґгід, иргчдін сойлын халхар кґдлх, билг-эрдмин хаалєд орх баєчудыг фестиваль йилєљіхинь темдглв.

Фестиваль тавн девсњгір насни диг-дараєар кегдв. Дарани девсњгиг Хар Єазрин районас ирсн Герензел Чоблаева нерті орс шўлгч Сергей Есенина «Русь» гидг шўлгір эклв. Билгті кґгљмд мељі болн цаг харш болдггиг медўлљ, Городовиковск районас ирсн Евгения Долгополова Шопена «Вальс» фортепианод наадљ, імтнд байр белглв. Садовое селіні школын сурєульч Ксения Воронко «Он был грозой всего района» гидг шўлгиг ик иткмљтієір медўлљ умшснь тааслт олв. Эн шўлг соњссн імтн бичкндк цаган, школд хамдан сурч йовсн ўўрмўдін санв. Дікн нег шўлг бас імтні оньгиг эзлід біів. Владимир Нуровин «Реквием» шўлгиг Октябрьск районас Энкира Джимбеева умшв. Бичкдўд иигід улсин љирєлд учрсн єашута цагиг мартлго бііхлі тиим хаљєр йовдл дікљ давтгдшго гисн тоолвр імтні уханд орв. Лаганя бичкдўд кґгљмд дуртаєинь Сергей Осканов дуулљ, Оксана Кравченко баян татљ ўзўлв. Эднд болн бичкн зурачнр Алтана Манджиевад, Данзан Манджиевд, Татьяна Шушкевичд, Юлия Перепелятниковад фестивалин дипломс болн белгўдиг Бурхн Багшин Алтн сўмин лам Канур бірўлљ ґгв.

Фестивалин дарани девсњгд Цаєан Амна, Яшкулин, Эсто-Алтай селіні, Элстин болн Хар Єазрин района сурєульчнр орлцв. В. Ачировд, Б. Тюрбеевд, Ж. Куангалиевд, Б. Динчянд, Л. Мандруновд, М. Шамиевд, А. Свириденкод, Т. Сафиуллаевд, Д. Сенченкод, Э. Халгаевд, А. Настиновад, Н. Ильинад дипломс болн белгўд Элстин болн Хальмгин епархин ах гелњ Алексей бірўлљ ґгв. Концертн программиг єардљ давулсн Хальмг Тањєчин ачта артистк Тамара Параева тііз деер єарч ирсн бичкн билгт болєниг дґњнід, бўлін болн ґргмљті ўгмўд келід омг ґгчів.

Дарани девсњгд билг-эрдмін ўзўлсн У. Шараевад, Б. Базыровад, Г. Санджиевад, А. Кичиковад, В. Батыревад, Л. Орендоренкод, А. Цереновад, Э. Санджиевад болн бичкн зурачнр С. Чедыровд, А. Хаваловад, Е. Камышовад, Б. Дамбиновд, М. Захаровд дипломс болн мґрісиг искусствин колледжин директор Любовь Горяева бірўлљ ґгід, йґрілин ўг келв.

Район болєнас ирљ, нег-негін ўзљ, эдн дунд билгтінь бає биш бііхиг ўзљ байрлсн бичкдўдин билг-эрдмиг Олег Пюрбеев єардсн љюри шинљлљ хілів. Кґгљмин халхинь сойлын ачта кґдліч Любовь Горяева, бииєин халхинь искусствин училищин іњгин залач, багш Наталья Анчеева, урн єарин эрдмиг Хальмг тањєчин сойлын ачта кґдліч Владимир Куберлинов, шўлгўд умшлєна эрдмиг Хальмг Тањєчин ачта артистк Валентина Нимяева ўнлв. Обществин оньг болн килмљ некљіх бичкдўд дунд билгті болн урн єарин эрдмті кўўкд-кґвўд олн бііхиг эдн темдглв.

Фестивалин товчлгч девсњгд билг-эрдмін ўзўлсн бичкдўдт дипломс болн белгўд «Мегафон» компаня генеральн директорин дарук Владимир Халгаев бірўлљ ґгв. Тедні нерднь: А. Шардаева, А. Обишева, А. Настинова, В. Иванов, Л. Джалаева, А. Инджиева, М. Конаева, И. Домничев, В. Дубинин, С. Иванов, А. Саллов, Э. Лиджигоряева.

Фестивалин ашар цуг орлцачнрт эрмдгті билгті бичкдўдт планшетмўд, телефон-смартфонмуд, электронн дегтрмўд белгўд гиљ бірўлљ ґггдв. Дікід «Мегафон» компань интернетиг ґњгір олзлх арє эрмдгті бичкдўдт ґгв. Лаганя «Сюрприз» гидг хореографическ студин орлцачнрт телевизор белглгдв. Бичкдўд бийснь, эдні эк-эцкнр иим килмљд ик ханлтан ґргв. Элстин искусствин колледж седвір єарєад, министерствс болн олна организац орлцулад кесн керг-ўўлдвр буйнта сін керг болљ цугтад тодлгдв.

Галина ХЕЙЧИЕВА
А. Зундугинован цоксн зург