Тоомсрта багш

Мана тањєчд олн дунд тоомсрта, эврі отг-іімгтін нерті багшнр олн. Приютна района Нарта селіні дундын школд олн љилдін эклц классин багшар кґдлљіх Галина Нюкеевна Бадмаева иим улсин негнь гиљ болхмн.

Кўўг кўч-кґлсн сііхрўлдг гидг. Седклін тівљ, олн љилин эргцд кўцімљтієір кґдлљ, района, тањєчин сурєуль-эрдмиг делгрўллєнд ик тівцін орулљах багш Галина Нюкеевна Бадмаева одахн 55 насни ґґнін темдглв. Галина Нюкеевна 36 љилин туршарт мана школд кґдлљіні. Кесг љил хооран Элстин педагогическ колледж тґгсісніннь хґґн Галина Нюкеевна пионервожатар мана школд кўч-кґлсні хаалєан экллі. Удан болсн уга, кґдлмшін йилєін сіінір кўцідг тґліднь школын, тер тоод района єардвр энўнд эклц классмудын сурєульчнриг даалєв. Бає наста кўўкн тўрўн ґдрісн авн даавртаєар кґдлв.

Багшин эрдм амр биш, шинкін школд ирсн кўўкд-кґвўдиг дасххд нег ўлў. Галина Нюкеевнан кедў кўўкд-кґвўдт сін медрл ґгч, чик хаалєднь орулсна тускар нам келід керг уга. Нег ормдан зогслго, мел сурєуль дасч, медрлін гўўдўлхір эн шунна. Тегід Хальмг госуниверситетд орљ сурад, «Педагогика и методика начального образования» гидг эрдмір деед сурєульта болв. Ґдр болєн Галина Нюкеевна дурта сурєульчнрларн харєхар школурн адєна. Эвріннь кичілмўдін ґдгі цагин некврлі ирлцўлљ бўрдіні. Шин технологийс чадмгар олзлљ, сурєулин кичілмўдін соньн материалмудар байљулна. Сурєульчнрнь тґрскн келндін дурта, ухата, тоолврта улс болљ ґстхі гиљ эн арднь орна. Иим кевір ўўлддг тґліднь сурєульчнрнь сіінір сурна. Эврі кергін, тер тоод кўўкдт зааљах номан йилєін сіінір меддг, дамшлтта, імтнлі ээлті багшар ўрдін сурєулхар олн эк-эцкнр ирні. Ўўдігч кевір кґдлдг багш сурєульч болєна медрлинь гўўдўлљ, кесг занятьст орлцулна. Кўўкд-кґвўд чањє-чиирг болтха гиљ спортивн керг-ўўлдврмўд давулна.

Шинкн багшар эклід кґдлљіх бає наста багшнрт чадсн-медсін зааєад,тахшлтднь нилчін кўргні.

Галина Нюкеевна эњкр авальтаєан алтн болсн кўўкн-кґвўєін ґскід босхв. Ода эдн ах сурєульта улс болв. Кґвўнь гер авад, эк-эцкін байрлулв.

Хіірті эк, ода килмљті ээљ болсн Галина Нюмкеевнан герт дањгин гиичнр олар цуглрна. Мадн, хамдан кґдлљ йовх багшнр, Галина Нюкееевнаг ончта ґґнлінь йґрієід, байр-кишг дурдљанавидн.