Уйн сііхн насм сангдна

Мендвт, кўндті «Хальмг ўнн» газетин кґдлічнр!

Хальмг келір hapдг єанцхн газетін кесг љилин эргцд бичўлљ авад умшдув. Яєад гихлі кесг соньн юм энд умшљ тодлнач, тањєчдан болсн - учрсн йовдлмудын тускар эндл уга медніч. «Хальмг ўнн» кґдлмшин чигн халхар оньдин керглгдні. Хая нег хувалцх соньн зіњг учрхла, бичгін илгієід санан -yxahapн хувалцнавидн. Ода бичх учрм иим: Цаєан Нуурин дундын школын 110 љилин ґґнін багшнр болн сурєульчнр, терўг тґгсісн ачта-кўндті кесг зун улс темдглљіні. Тегід тер эњ -зах уга ик байрим хувалцад ханлтим газетиннь нег халхдан барлхитн эрљінів.

Багшнртан ґргљіх ханлт

Би кўмни імтни љирєлин хормаєас татж ґндісн кеміс нааран кесг цаг давв.Ода эндрин цага ґґдм дееріс хірў эргід хіліхлі - ик холд, тенд - Цаєан Hyp,
Цаєан Нуурин школ, мана эњкр багшнр. Эњкрлн келљ -келљ, нам аш суулднь, багш болх мини хаалєин эклц мел дигті тендіс – Цаєан Нуурин школас, багшнрас авн ўўдснь нанд бийдм ил медгджіні. Школм, багшнрм нанд лавта, сііни эклц болж єарсмн.

Тиигљ би багшин эрдм сурад, Сарул селінд ирљ багшлув.

Терўніс нааран єуч шаху љил давв. Эн кишгті єазрт би кўн болад, алтн болсн хойр кґвўєін кў кеж ґскўв. Эњкр ґрк -бўлтієін, седкл тааста кґдлмштієін, ухан-санаєим дахсн сурєульчнртаєан љирєлин хаалєар, імтніс ард цухрлго йовнав.
Цуг эн хамгиг авад хілієід, ухалад, тоолад дўњцўлхлі - цуг эн тоотыг кўцц ўнлљ болшго. Учрсн кишгиг кўндлљ эдлх кергті гиљ санљанав. Кўндті эврі багшнртан ірўн седклісн ханлтан ґргљінів. Ода эднін амлад, нердўдинь келх дурн бііні: Анюшева Улан Лиджиевна, Мутляев Эренджен Хазыкович, Санджиева Раиса Манджиевна, Бадмаева Вера Баджаевна, Деликова Александра Очировна, Гаряев Николай Яманович, Солонинкина Валентина Михайловна, Очиров Владимир Федорович, Хольджгонова Тамара Басанговна, Шорваев Андрей Лиджиевич цугтаєинь нерідхд берк, болв цугтан мини сананд.

Эњкр мини багшнрм,
Імтнэ біідл љирєлин
Байр- бахмљд багтљ, сін -сііхн,
Гем-шалтг уга бііљ љирєтн гиљ йґріљінів.

1975 жил Цаєан Нуурин школ тґгсілів, тер цагт директор болж ўўлдљ йовснь Санджиев Эренджен Зельмеевич (ода эн ўнні єазртан йовна). Мана 34-гч выпуск гиєід тів hap кўн билівидн, багшнрт ода маднас кун болєниг тодлхд маєд, болв тер цагт болсн йовдлмуд єарин тавн xyphн мет мини ґмнм тодрхаєар ўзгдні.
Ода Хар Єазра районд кґдлід, Хальмг Танєчин ачта багшин нер зўўснд тана ик тівц орсмн гиж темдглід, ханлтан тандан ґргжінів.

М. Аристеева,
Хар Єазра района