Чувашин ТЮЗ Хальмгт билг-эрдмін ўзўлв

Басњга Баатрин нерті Келн-улсин драматическ театр сезон секлєнд белдсн кемлірн зергднь соньн олн керг-ўўлдвр бўрдів. Театр кесг фестивальд орлцад, талдан олн балєснд одад, хальмг искусствла олн улсиг таньлдулв. Тер йовлєсин болн харєлтсин тускар бидн газетдан бичлівидн, цааранднь чигн бичхвидн. Чувашин театр гастрольд ирљіхин тускар чигн умшачнртан зіњгллівидн. Ода болхла, сольлцана эн гастролин тускар невчк тодрхаєар бичх седкл бііні.

Федеральн программд орад, Ірісін сойлын министерствд зарлгдсн грантар эн гастрольмуд бўрдігдсні тускар Чувашин ТЮЗ-н директор Елена Николаева келљ ґгв. Чувашин ТЮЗ олн љилі тууљта театр. Эн театр М. Сеспелин нер зўўні. Хальмгт чувашин артистнр дґрвн наад ўзўлв. Бичкдўдт нерідсн «Один дома» гидг туулиг Элстин олн бичкдўд хілів. Чувашин артистнр келсір, иим оньгтаєар хілісн бичкдўдиг ўзід уга біісмн. Тедні соньмслтыг ўзід артистнр нег ўлў билгін єарєљ сііхн наадснь цугтан темдглні. Дікід болхла, уйн наста баєчуд «Собаки» нерті социальн-философск балладыг соньмсљ хілів. «Лгунья» гидг шог наадн чигн Элстин хілієічнрт таасгдв. «Горе с запахом ромашки» гидг драмин йовуд чигн імтиг ўўмўлід біів. Тиигід тўрўн болљ Хальмгт ирљіх театр олн зўсн янзта наадд авч ирљ ўзўлснь олн хілієічнрт тодлгдв.



Театрмуд хоорндк залєлдаг батллєнур залгдсн грант шўўљ авхлань ТЮЗ ямаран театрла нґкцљ ўўлдх санатаєинь сойлын Ірісін министерствд сурљ. Хальмг театрла сольлцана гастрольмуд бўрдіхір бііхін чувашск театрин коллектив медўлсні тускар Елена Николаева тодлљ келв. Чувашин ТЮЗ-н нааддыг 2011 љилд Саранскд болсн театральн фестивальд ўзљ, артистнрлань таньлдсна тускар Келн-улсин театрин генеральн директор Галина Шураева журналистнрт келљ ґгв. Тер цагас авн залєлда бірх санан ўўдсн болљана. Театрин нааддыг соньмсљ хілієід, билгті, єал асад біідг, уралан зґрсн артистнриг ўзљ, икір таассан Чувашин ТЮЗ-н артистнр ода кўртл тодлна. «Араш» наадыг кииєін авлго оньган ґгч хілісін эдн мартхш. Ода эдн Хальмгт ирід, Басњга Баатрин нерті драматическ театрин тііз деер нааддан тівсін, хальмг хілієічнрин тааслт олсан ик байрта йовдл гиљ эдн тоолљана.

Элстўр артистнр ґрўн эрт октябрин зурєанд ирсмн. Ўнндін у ґргн теегті єазринь ўзљ, канксн серўн аєаринь киилљ байрлсан пресс-конференцин йовудт эдн медўлв. Элст балєсн гиичнрт йир икір таасгдв. Иим ґвірц болн сііхн балєсн бііхинь, тенд ирљ, билг-эрдмін ўзўлхін эс санљасн артистнрт цугнь икір таасгдв. Балєсна архитектурин дорд ґзгин кев-янз, сііхн ик хурл, олн бумбс - цугнь оньг авлљ, тґрўц талдан туулльла ідл єазрт ирснлі ідл бііхін артистнр медўлв. Тиигід гиичнр наадн болєндан тер ґргмљті седклін, тосљ авсн улсин цаєан санаєинь тевчсн біідлін медўлв.

Октябрин 20-авн 24 кўртл Басњга Баатрин нерті Келн-улсин драматическ театрин артистнр Чувашур гастрольд йовљана. Тенд мана театр Чувашин єурвн балєснд нааддан тівљ ўзўлхмн. Хальмг театр сольлцана гастрольд одсн цаглань Чувашин єазрт келн-улсин драматургийн тґрір театральн лабораторь болхмн. Келн-улсин драматургийиг делгрўллєні тґрір болх кўўндврт хальмг артистнр орлцхмн.

Чувашин ТЮЗ нааддан чуваш болн орс келір белдљ тівні. Сольлцана гастрольмуд хойр театрин нґкцлтиг улм батлљана.

Галина Хейчиева
А. Тюрбеевин цоксн зург