Цењнід ґргсн дууна айсмуд

Хальмг Тањєчин мељід ЗАО «КТК-р» кељіх социальн тґсвс дунд эн тґсв олн љил ўўлдљ йовх болн ик иргчті керг –ўўлдвр болљана. Эн икір кўлігддг байрт хойр района бичкдўд ик эртіс белдні. Билг-эрдмін сіінір ўзўлсн кўўкд-кґвўд йир сін мґрієір ачлгдхинь эдн медні. Тиим ик урмдтаєар болдг хілівр-марєана тўрўн девсњгнь шидр Хар Єазрин районд эклв.
Дарани фестивалин тўрўн девсњгнь кўцімљті болтха гиљ бає наста билгтнриг «КТК-р» ЗАО-н нерн дееріс тањєчин правительствла залєлда бірдг элч Улюмджи Чиджиев йґрів. Хар Єазрин района муниципальн бўрдіцин администрацин толєач Валерий Бадмаев сін авьяс болљ тохрсн фестиваль билгті бичкдўдин шин нердиг йилєх гиљ иткўлв.

Района селін болєнас ирсн кўўкд-кґвўд эн марєанд орлцв. Дууна, бииєин, инструментальн кґгљм татлєна номинацсар марєан болв. Бичкн наста болн ах наста билгтнр дунд кен билгтієинь йилєх марєан соньн кевір давв. Эн района билгтнр цагтан КТК-н частр бичсмн. Терўгін эдн фестиваль болєнд, концерт болєнд дуулна. Ґргмљті эн кґгљмин айс марєана йовудт тасрхан уга соњсгдад біів. Района сойлын герин директор Наталья Габунова келсір, селін болєнд бичкдўд эн марєанд белдв. Белдвр арднь орљ кегдснь марєана йовудт медгдід біів. Нег ўлў дууна халхарн нер єардг района бичкдўд љил болєн билгті дуучнрин тоод орад бііні. Эн ґдр чигн бичкн дуучнр кесг ду орс болн хальмг келір дуулљ цуглрсн улсин оньгиг авлљав. Улсин дуд, ґдгі цага дуд эдні репертуарт бііхинь жюри медв. Бичкдўдин билг-эрдмиг Хальмг Тањєчин сойлын ачта кґдліч Эльза Харцхаева, Хальмг Тањєчин сойлын ачта кґдліч Галина Манджиева, Хальмг тањєчин ачта артист Арслан Шавгуров ўнлв.

Хар Єазрин районас кесг билгтнр єарсмн. Тедн Хальмг Тањєчиннь нериг дуудулљ йовна. Ода тедні ўлгўрір бичкн дуучнр, биичнр, кґгљмчнр билгин захас татад, хіліврмўдин дґњгір эрдмин хаалєд орљ йовна. Манљин Аркадий болн Шугран Вера бичсн дуд, Увшан Ивана єарєсн дуд эн ґдр дуучнр дуулв. Эрднин Андрейин ўўдісн «Ээљин заясн келн» гидг дун імтні оньгиг бас авлад біів.

Эн района «Цецг» бииєин ансамблиг кен эс медні. Кесг ўйин баєчуд эн ансамбляр дамљад, бииєин эрдмд тахшљ ґссмн. Владимир Литвинов толєалљасн љилмўдт эн коллектив нег ўлў туурч йовсмн. Ода коллектив урдк сін нерін дуудулхар шунљахинь хілівр медўлв. Ансамбльд хойр баг ўўдігч кевір ўўлдљіні. Эднд болн нань чигн артистнрт сценическ хувцинь шинрўллєнд эн љил килмљ єарєгдсна тускар района сойлын іњгин єардач Эрднь Манджиев келні. Района сойлын герт шин аппаратур хулдљ авгдсна тускар Эрднь Наминович немљ темдглв.

«Билгті бичкдўдин йоста байр болв», - гиљ эн керг-ўўлдвриг жюрин ахлач Эльза Харцхаева темдглв. Концертн 39 номер белдсн 100 єар бичкдўд КТК-р белдсн ўнті белгўдір мґрілгдв. Олн кґгљм болн ду бичљ авч хадєлљ, соњсљ болх ґдгі цага диск билгті бичкдўдт консорциум белглв. «Хальмг сойлын иргчин туск килмљ эн фестивальд ўзгдні, - гиљ социальн эн тґсвиг тањєчин кемљінд кўцідг «Цаєан седклісн» олна организацин єардач Ирина Очирова келні. – Мана тањєчд туста эн кергт КТК-р ик дґњ болљахнь сін йовдл». Фестивалин товчлгч девсњ дарук долан хонгт болхмн.

Галина Хейчиева