Бичкдўдин амрлєиг тустаєар бўрдіхмн

Бичкдўд, сурєульчнр зуна цагт єурвн сардан амрна. Тер кемд кўўкдин тґлі дигті-дарата болн туста амрлє бўрділєні керг государствин тґлі ик чинр зўўні, цаг ирвіс тер чинрнь ґґдлід йовна. Яєад гихлі школын лагерьт эс гиљ зуна цагин района лагерьт амрчах арвтнр, бичкдўд туста ўўлдвр кўціні, немр медрл авна, олна ўўлдврт орлцна, хамцу кґдлмш кедгиг дасна, сурємљлачнрас болн вожатнрас ўлгўр авна. Тиим кевір долатаєаснь авн арвн дґрвн- арвн тавн нас зўўдг кем кўртл кўўкдиг сурємљлачнрин, багшнрин бўртклєнд бірљ, тедниг азд-іср йовдлас, ўўл татлєнас гетлљ болљана. Тернь зуна цагин болн єурвн сардан єурвн селгі кељ ўўлддг стационарн лагерьмўдин єол кўцлнь болљана.

Тегід чигн бичкдўдин амрлєиг бўрділєнд онц оньг ґгх кергті. Чинрті эн тґрір одахн Элстд правительствин герт шишлњ селвлцін болв. Терўг сурєуль - эрдмин министерств кев. Санитарн - эпидемиологическ кесг нормиг кўцілєні тускар мана тањєчар бііх Роспотребнадзорин заллтын єардачин дарук Светлана Конушева келљ ґгв.

Ода дављах 2014 љилд тањєчар 125 лагерь ўўлдв, августын 24 - д єурвдгч селгін тґгсв. Ґдрір ордг 4 лагерь Кґтчнрі районд секгдсн уга, мґњгн кўртлго тиим йовдл учрв. Болв тиим учр-утх лагерь секлєнд харш болх зґв уга, района єардвр кергті финансиг олљ авх зґвті біісмн. Сурєуль -эрдмин іњгин, школмудын єардачнр района єардврт урдаснь кедў мґњгн эднд кергті бііхинь келх зґвті. Ода района болн тањєчин бюджет батлгдљана, тегід тер лагерьмўд секлєнд кергті мґњгиг эрк биш бюджетд орулхмн, тегід эн селвлцін эртіс бўрдігдљіні гиљ докладчик заав.

Эн туст Целинн районд сін ўлгўр ўзўлљіні, цуг 13 лагерь энд кґдлв, Ик Буурлд чигн немр нег лагерь секв. Сарпинск районд 3 кўн оддг біісн болв чигн лагерь школын медлд ўўлдљісмн. Ґдрір ўўлддг лагерьмўдиг хот - хоолар тетклєні тґриг бас бооца батлад урдаснь, апрелин чилгчіс авн кўціх кергті. Тиим неквриг федеральн закан чигн тівљіні. Тегід хґґтк љилин эклціс авн эн тґриг эклід кўціх кергті гиљ Роспотребнадзорин элч келв.

Лагерьмўдиг зуна цагт кґдлмшт белдлєні тґрір бас боомтг єарла. Цуг лагерин тооєас зуг 118-нь июнь сарин эклцір белн біісмн. Зуг Целинн, Октябрьск, Яшалтинск райодт болн Элст балєснд майин 30 кўртл цугинь бел кесмн. Стационарн 7 лагеряс зуг єурвнь негдгч селгі эклхд дигті-даратаєар белдљ.

Сурємљлачнрин, вожатнрин, лагерин кґдлічнрин зірмснь медицинск книжк угаєар кґдлљісмн. Тегід Приютна районд белдврин цуг керг-ўўлдвриг єурвн ґдрин эргцд кўцісн болхла Городовиковск районд июнь сарин 20 кўртл тер кґдлмш татгдв. Эн тґрір сурєуль - эрдмин органмуд социальн харслтын министерствлі хамцу ўўлдвр кўціљ нґкцлтх зґвті. Вожатнрин, сурємљлачнрин, лагерьмўдин начальникўдин мергљлтинь ґґдлўлх кергті, эн туст КРИПКРО ик дґњгін кўргљ чадх.

Сарпинск района «Салют» лагерь негдгч селгінд кґдлсн уга, яєад гихлі Бає Дґрвді район 27 мињєн арслњга ґрін дањцасн уга болљана, терўг аштнь Сарпинск район ґгх зґвті болв.

Тер мет Роспотребнадзор бўртклєні керг-ўўлдврін кўців. Аштнь бичкдўдин амрлє кўцідг кесг организац административн засгла харєад 137 мињєн арслњга ялд уњєагдв. Медицинск документ угаєар кґдлљісн 4 кўн кґдлмшісн єарєгдв.

Тиим кевір ут- турштан 2014 љилд 89,3 процент бичкдўд лагерьмўдт амрв, тиигід му биш кґдлмш кўцієід, мана тањєч РФ-н субъектс дунд хойрдгч ормд єарв. Хальдврта гем чигн зуна цагт илдкгдсн уга.

Лагерьт бичкдўдин тґлі кесг керг-ўўлдвр бўрдіні, терўг хамцулљах тематическ программсин марєана тускар бичкдўдин ўўділтин тањєчин цутхлњгин методист Джамиля Довгополова келв. Целинн, Ик Буурла, Яшалтан, Городовиковск райодт региональн компонентта, дигті-дарата программ чадмгар олзлна. Программсин анализ кех кергті. Марєанд талдан номинацс орулх санан бііні гиљ методист келв.

Селвлціні йовудт эн марєанд орлцачнр ўнті белгўдір болн сурєуль-эрдмин министерствин Кўндллєні єашгудар ачлгдв.

Бичкдўдин зуна цагин амрлєиг бўрділєні ашлгч тоотын тускар министерствин специалист Бадм Задваев келљ, лагерьмўдт кґдлдг кадрмуд белдлєні тґрір дигті -дарата кґдлмш кўцігдв гиљ темдглв. Эдні мергљлтинь ґґдлўлєні халхар бас тодрха ўўлдвр кўцігдлі. Хальмг госуниверситетин «Солњ» болн «Љањєр» педагогическ отрядмуд лагерьмўдт сіінір кґдлљ кесг керг-ўўлдвр бўрдів. Ут - турштан мана тањєчд арвн мињє єар бичкдўд зуна цагла амрв, эдніс кесгнь ґдрір ўўлддг болн стационарн лагерьмўдт, 1200 кґвўд-кўўкд Крымд Хар тењгсин кґвід одв.

Бичкдўдин амрлєна кемд эдні медицинск даатхлєн (страховань) терўг дигті-даратаєар бўрділєнд, тедниг іімшгіс харслєнд ик дґњгін кўргні. Тиим дамшлтарн селвлцінд орлцачнрла «Уралсиб» даатхлєна багин Хальмг іњгин директор Александр Балтыров хувалцв. Селвлціг сурєуль-эрдмин министрин дарук Раиса Дякиева єардљ давулв.

Тўрвін Єуна