Гер-бўўрин сертификат ґггдв

Ґцклдўр Элст балєсна мэрийд байрин таалд бає наста арвн ґрк-бўлд гер-бўўрин сертификат ґгддв. Байрта эн керг-ўўлдврт Элст балєсна администрацин ахлач Сергей Раров, Хальмг Тањєчин спортын, туризмин болн баєчудын политикин министрин ўўлиг цаг зуур дааљах Александр Гедерим, бає наста ґрк-бўлмўд орлцв. Элст балєсна администрацин баєчудын, туризмин болн спортын комитетин ах специалист Саглара Шобгурова байрта керг-ўўлдвриг секід, эн ґдр арвн бає наста ґрк-бўлд «Элст балєсна бає наста ґрк-бўлмўдт –кимд гер-бўўр» гидг федеральн шишлњ тґсвір мґњгні сертификат ґггдљіні гив.

- Ут тоодан 6033003 федеральн арслњ, тер тоод балєсна бюджетіс 1952748 мињєн арслњ йилєгдљіні. Эн тґсв 2008 љиліс авн Элстд тохрагдљана. Сўл єурвн љилин туршарт гер-бўўрин тґрін бає наста 108 ґрк-бўл хаєлв. Ирх љилд эн тґсвд орлцхар бііх 481 ґрк-бўліс эрлєн орв. Тедн бас иим сертификат авхнь маєд уга. Эндр сертификат авчах бає наста ґрк-бўлмўд дунд ніімн ґрк-бўл олн ўрті. Эн мґњгір дамљад тадн гер-бўўрин тґрін хаєлљ, бичкдўдтієін гем-шалтг уга бііхиг дурдљанав, - гив.

Элст балєсна администрацин ахлач Сергей Раров, Хальмг Тањєчин спортын, туризмин болн баєчудын министрин ўўлиг цаг зуур дааљах А.Гедерим, Элст балєсна ветеранмудын Советин ахлач Убуш Бембеев баєчудыг йґрієід, хулдљ авсн гертн таднд зокаста, љирєлтн хґвті болтха гив.

- Ґдгі цагт баєчуд гер авад, тер дарунь сална. Ик зуудан иим йовдл баєчудт біідг гер уга болснас учрна. Эннь мадниг икір ўўмўлљіні. Тегід эндр шањ эн туст дґњ-тусан кўргљіхнь сін гиљ тоолљанав. Эн мґњгір авсн гертн біішњ болтха! Ни-негн, хґвті, ґрк-бўлд - тґрскндін дурта, цаєан седклті кўўкд ґсні. Иим кўсл ґмн тівљ, нег-негніннь седкл медљ, хоорндан нииті біітн, - гисн сўв-селвг У.Бембеев баєчудт ґгв.

Эн ґдр Ўлмљ болн Байрта Болдыревихні, Эдуард болн Альма Бадмаевихні, Мерген болн Татьяна Уразалиевихні, нань чигн бає наста ґрк-бўлмўд гер-бўўрин сертификат авв.

Тоолвр:

Ўлмљ БОЛДЫРЕВ, єурвн ўрті эцк:

- Эндр мана ґрк-бўлд йир байрта ґдр. Эн мґњгір гер-бўриннь таал ясрулхар зуралљанав. Шањ тер тоод Элст балєсна мэрийин специалистнр бає наста ґрк-бўлмўдт дґњ-тусан кўргљіхнь йир сін. Маднла ідл кесг ґрк-бўлмўд мґњг авад, гер-бўўрин тґрін хаєлљ чадљана, цугтадтнь ханљанав.

Мергн болн Татьяна УРАЗАЛИЕВИХН:

- Єурвн љил хооран мадн «Бає наста ґрк-бўлмўдиг кимд гер-бўўрір тетклєн» гидг федеральн шишлњ тґсвд орлцхар эрлєін оруллавидн. Біісн герін улм икдўлх санатавидн, мана дґрвн ўрн йир байрлх. Мадниг, баєчудыг, дґњнљіх тањєчин єардврт, баєчудын министерствин специалистнрт цаєан хаалє дурдљанав.

Жанна Кекеева
Зургт: сертификат бірўлљ ґгчіх кем
А.Зундугинован цоксн зург.