Иньгллтиг батлдг керг-ўўлдвр

Элстд намрин эн ґдрмўдт соньн болн ик чинрті керг-ўўлдвр болв. Эннь регионмуд хоорндк фестиваль. Домбр цокдг, гармуль татдг эрдмчнриг болн ду дуулдг улсиг негдўлсн ўўлдвр киитн генткн болсн бийнь байрин сін біідлд болв. «Звени домбра, играй гармонь, пой частушка веселей» гидг фестиваль Хальмгин хотл балєснд эклід, тањєчин райодар болв. Ірісін сойлын министерствин дґњгір фестиваль бўрдігдв. Хальмг тањєчин сойлын министрин дарук Николай Санджиев фестивалиг секв. Хім-хоша бііх улс иигід харєад, дууєан дуулад, кґгљмін татад , байрарн хувалцљ біісніс сін юмн угаг министрин дарук темдглв. Иим фестивальмуд єазр болєна мељіг ґргдўлід, олн улсиг ах-дўўєин залєлдаєар негдўлні, гиљ Николай Джамбулович темдглід, цуг орлцачнрт кўцімљ болн эрўл-менд біідл дурдв.

Дагестанас, Ставропольск крайас, Волгоград, Ростовск, Іідрхні областьмудас ирсн билгтнр мана тањєчин імтнд билг-эрдмін ўзўлв. Терекин тўргн урсхулта кґвієіс ирсн уулын улсин айсмудыг дахлдуулад, Дивенск кўўкд шогта дууєан дуулад сергмљ ўўдів. Іідрхні областин гиичнрин йґрілин дууна дару, Волгоградск областин Светлоярск района билгтнр сергмљті дууєан ґргљ дуулв. Тиигід кґгљмин айсиг дун соляд, ардаснь гармулин, орс домбрин, мањєд кґгљмин зевсгин і соляд, байрин концерт олн-зўсн айсин дўўрінд шуугад, ниргід біів.

Фестивалиг байрин біідлд сексн байрин ик концертд Хальмг Тањєчин билгтнр орлцв. Ірісін улсин йилєін сін коллективс - «Љањєр» болн «Торєа» ансамбльмуд, улсин-этнографическ «Эрдм» ансамбль, Хальмг Тањєчин ачта артист Арслан Шавгуров, дууч болн домбрч Эрвена Оргаева, улсин зевсгўдин «Байр» болн «Йґріл» ансамбльмуд орлцв. Октябрьск района Ик Царњ селініс ирсн «Мињєн байр» гидг биичнрин коллектив хамгин ик тааслт олљ, кесгтін альх ташљ, імтн тедниг тііз дееріс тівлго біів.



«Єазр болєна айсмуд болн дун негдід, Ірісін ґмн ўзгт імтн ни-негн кевір, билг-эрдмін делгрўлљ бііхиг ўзўлљіні, - гиљ Ростовск областин Ремонтненск района делегацин ханьд ирсн Сергей Лукьянов келні. - Хальмгин билгтнрин эрдмлі таньлдвидн. Ямаран кеевір домбран цокна, айсиг дахч шавашмуд келні. Бичкдўд дуунд, кґгљмд дурта болљ ґсљіхнь йир байрта йовдл. Фестивалин бўрдієічнрт ханлтан ґргљінів».

Ик чинрті эн керг-ўўлдвр белдлєір тањєчин улсин ўўділтин герин кґдлічнр ик кґдлмш кев. Эн герин директор Джиргал Тачиева келсір, регионмуд хоорндк фестиваль «Ірісін сойл» гидг программин кемљінд бўрдігдв. Ірісін Ґмн ўзгин Федералин округин художествен кесг коллектив энўнд орлцв. Фестивалин йовудт болсн «тґгрг ширін» сўўрт сойлын кґдлічнр орлцљ, тоолврарн хувалцв.

Фестиваль эн љил райодар йовснь йир соньн болв. Ґґр эргндк краймудас болн областьсас ирсн билгтнрин эрдмлі Приютненск района Воробьевка селіні, Целинн района Троицк селіні імтн таньлдв.

Сойлын љилд болсн керг-ўўлдвр бўрдімљин сін біідлд давв.

Галина Хейчиева