Тўрўн багшнр мартдхш

Ўкр сарин нег шинд «Хальмг келн-улсин гимназь» 20 љилин ґґн темдглљіні. Гимназин багшнр, сурєульчнр, цуг кґдлічнр, эк-эцкнрнь ик байрта бііні. Нег ўлў йисдгч классин сурєульчнр ўўміті бііні. Юњгад гихлі, эн гимназьд эдн негдгч класссас авн дасла.

«Мана тўрўн багшин нерн - Вера Джиджиевна Ардаева, - гиљ сурєульчнр тўрўн багшиннь тускар бичсмн. - Эн багш мадниг тўрўн єурвн љилд дасхла. Мана класст дала сурєульчнр билі, болв багш цуєараднь дурта билі. Мадн бас багшан кўндлдг билівидн, ўгинь соњсад, кичілд шууган угаєар тагчг суудг билівидн. Маднд медгддір келљ, ціілєљ ґгдг біісмн. Кичілдін цуєар сіінір суудг, багшин ўгинь соњсдг билівидн. Кичілін івр сіінір кедг билі. Дала соньн юм маднд келљ ґгдг біісмн. Мана келсиг оньган ґгч соњсад, шалєљ йилєід, темдг тівдг біісмн».

Ода йисдгч класст орчах сурєульчнр иигід гимназин 20 љилин ґґнлі ирлцўлљ, тўрўн багшин туск тоолвран бичснь соньн болљ медгдв. Багшан мартлго ода кўртл ухандан хадєлад, дасхсн тоотынь цаарандан сурєульдан олзлљ бііхинь эдні бичсніс медљ болхмн. «Мадн тўрўн багшан ода кўртл мартхшивидн. Терўні цаєан седкл, цецн ухан, љґґлн хіліц мана чеељд ўлдв» - гиљ сурєульчнр бичв. Эдні уханд орсн багш кґдлмштін ямаран дурта, бичкдўдт ямаран дурта біісинь эн бичсн тоот медўлљіні.

Дікід эдн оньдин тўрўн ээљін сандгинь бас медљ болхмн. Темидова Вера Санджиевна цецн ухата, медрлті, тоомсрта багш. Вера Санджиевнаг кўндлљіхін медўлљ бичсн арвн єурвн бичгиг умшхла, седкл байсад бііні. Эн кўўкд-кґвўдт тиим сііхн седклті болн медрлті, теднлі цуг тоотарн хар угаєар хувалцад, медрлин хаалєд орулсн кўн харєсинь темдглнівидн. Харчан Аня, Муукан Эдуард, Санљин Айса, Тугуса Баина болн нань чигн сурєульчнр эвріннь кўндллєін медўлљіні.

«Кичілд ґгсн даалєвриг бидг цуєар кедг билівидн. Ўлгўрмўд, тіілврті туульс, тууль, йґрілмўд, шавашмуд, авъясмуд, дуд маднд зааєад дасулдг билі. Эн багшин медрл авъясмудын тускар йир гўн, багш дала юм медні, медсін маднд келж ґгдмн. Келсн ўгдін кўрдг кўн» - гиљ Нарна Гиляна ўўрмўдин тоолвриг медўлљ бичљіні.

Эн сін ґдрлі, Хальмг Келн-улсин гимназин йисдгч классин сурєульчнр багшнртан ханлтан ґргљ йґріжінів:

Оньдин дґрвн цагт амулњ менд љирєтн!
Кељіх кґдлмш уралан йовтха!
Керг-ўўл туста, олзта болтха!
Олн деедс хіірлх болтха!

Барт белдснь Љирєлин Кермн