Бає наста шўлгч

Эльза Лавгинова. Бає наста эн кўўкні нериг тањєчд імтн сўл цагт медљ соњсљ йовна. Шин Мґр селінд тґрсн билгті кўўкн шўлгўд бичні, тер шўлгўдірн ду єарєна. Элстин искусствин училищ (ода колледж) тґгсісмн. Терўні хґґн «Бамб цецг» ансамбльд кґдлљ йовв. Кґдлн бііљ Хальмг госуниверситет тґгсів. Ода «Ґґрднр» бииєин театрт кґдлљіні.

Школд сурчах цагас авн шўлгўд бичдг біісмн. Хальмг келдін дурта, урн ўгин туст єавшун кўўкиг багшнь Зоя Котеновна Бовикова дґњнід, келні халхар медрлін гўўдўлхд туслв. Килмљін ґгід, таасад шўлгліни хаалєд орулсинь Эльза бўлін ўгмўдір тодлна. Иим билгин эклцнь альдв? - гиљ сурвр тґрні. Аавнь ґнчір ґссн Адуч Санджиевич Мучкаев шўлгўд бичдг бііснь медгдв. Тер шўлгўдіс зірмнь ўлдсинь Эльза ірўнір хадєлљіні.

2009 љилд тўрўн шўлгўдін Эльза Хальмг улсин бичіч Буджала Егорт ўзўлсмн. Терўні нилчір бає наста шўлгчнрин марєанд тер љилдін орлцад, нўр орм эзлід, Эльза шўлг бичлєндін ик урмд авсмн. Диилвр авч ирсн шўлгнь «Сиврин зовлњ» гиљ нерідгдлі. Тер љил кўўкні шўлгўд «Хальмг ўннд» болн «Теегин герлд» барлгдсн билі.

Йириндін Эльза хальмг улсин љирєлд ўзгдсн єашута халхсиг кўўні љирєлин дґњгір ўзўлљ чадна. МВД-н халхар болсн марєанд Эльза Лавгинова «Кавказ» гидг ду бичід, негдгч орм эзлсмн. Кґгљмин халхар сін медрл авхд, шўлгўдін кґгљмд буулєхд Борис Николаевич Уджаев Эльзад дґњ болсмн.

Ода Эльза Лавгинова щўлгўдиннь тўрўн хурањєу єарєхар белдљіні. Орс келнд энўні шўлгўдиг шўлгч Василий Чонгонов орчулна. Давсн 2013 љилд Эльза «Љирєлин хаалє делгрич» гидг дууна диск белдљ єарєсн бііні. Иигід шўлг кґгљм хойр энўні чеељд ідл зґвті орман олна. Петр Надбитовд нерідід, Хальмг улсин шўлгч Нуура Владимир бичсн шўлгиг кґгљмд буулєад, домбрт келљ дуулдг дууг Эльза ўўдіљ чадв.

Эндр кўндті мана умшачнр, тадн бає наста шўлгч болн кґгљмч Эльза Лавгинован шўлгўдлі таньлдљ чадљанат.

Галина Хейчиева