Сойлын љил йовудта болљана

Тањєчин сойлын министерствин коллегийин сўўр болв. Сойлын министрин ўўл дааљах Амуланга Учурова сўўриг єардљ давулв. Министерствин коллегийин гешўдлі хамдан сўўрин кґдлмшт райодын муниципальн бўрдіцсин администрацсин толєачнрин дарукс, сойлын заллтын, архивн учрежденьсин кґдлічнр, сойлын учрежденьсин єардачнр, сойлын халхин специалистнр орлцв.

Коллегийин сўўрт зурєан тґр хілігдв. Сойлын муниципальн учрежденьсір кадрмудар тетклєні эндрк болн иргч біідлин тускар министерствин профессиональн искусствиг болн художественн сурєулиг дґњнлєні іњгин єардач Людмила Турченко илдкл кев. Эндрк ґдрин біідлір государственн болн муниципальн сойлын 329 учреждень ўўлдљіні. Тер тоод государственн сойлын болн архивн кергин 14 учреждень, муниципальн 329 библиотек, селіні сойлын 150 гер, искусствин бичкдўдин 17 школ кґдлљіні.

Сойлын халхар імтні сул цагинь соньнар давулхд, билг -эрдмін делгрўлхд дґњ болљ 1835 кўн ўўлдљ йовна. Медрлті болн белдврті кґдлічнрір сойлын учрежденьсиг теткхин тґлі дигті-дарата кґдлмш кегдні. Хамгин тўрўнд эн туст бііх сурєулин заведеньсиг , тер тоод муниципальн кґгљмин школмудыг, П. Чонкушовин нерті искусствин колледжиг болн ах сурєулин заведеньсиг хоорнднь ниицўлљ, тедні дґњгір сурєуль - сурємљ болн медрл баєчудт ґгч сойлын халхд кґдлх специалистнриг белдлєн кегдљіні. Сойлын кґдлічин тоомсриг ґґдлўлєір чигн ціілєврин болн нань чигн кґдлмш кегдні. Сойлын љилд эн халхар бає биш оньг тусхагдв. Келхіс, эн халхд кґдлљіх улсин љалвинь икдўллєнд чигн килмљ єарєгдв.

Билгті баєчудыг сойлын эрдмд оньган ґгхднь туслх гиєід бичкн билгтнриг урмдуллєар Тањєчин Толєачин мґрі йилєгдсн бііні. Сурєульдан болн ўўдігч ўўлдврт онц кўцімљ бірсн баєчудт 40 мґрі йилєљ ґггдні. Сойлын болн искусствин халхин ах сурєулин заведеньст сіінір сурчах оютнрт 15 мґрі бірўлљ ґггдні. Тањєчин сойлын халхар кґдлљіх бає наста специалистнрт, арвн кўўнд, 50 мињєн арслњга мґрі ґггдні. Москва болн Санкт-Петербург балєснд кґгљмин центральн школмудт сурчах билгті сурєульчнрт стипендь йилєљ ґггдні.

Материальн шањнлєна ўўлдвриг цааранднь делгрўлід, Сойлын љилд Хальмг Тањєчин Толєач искусствин бичкдўдин школмудын тґлі єурвн грант йилєљ єарєв. 500 мињєн арслњ мґњгн бичкдўдин школмудын материальн-техническ кґрњгиг батрулхд туслв.

Сойлын халхар кґдлх баєчудыг белдлєні эклц девсњгднь этношкол зґвті тівцін орулљана. Бичкдўдин ўўділтин тањєчин цутхлњгин кемљінд ўўлддг школ цааранднь сойлын сурєулин заведеньст сурх бичкдўдиг белдљіні. Эн љилин зунар тањєчд тўрўн болљ регионмуд хоорндк зунын ўўдігч тўрўн школ кґдлснь чинрті йовдл болв. «Улан зала» келн - улсин марєана мґрі шўўљ авлєн сойлын халхин кґдлічнрин ўўлдвриг зґвір ясрулна. «Креативность – залог успеха» гидг Тањєчин Толєачин мґрі муниципальн учрежденьсин хамгин сін 20 кґдлічд љил болєн ґггдні. Сойлын учрежденьсиг дґњнлєнд Тањєчин Толєач єарєљ ґгсн 10 мґрі учрежденьсин материальн-техническ кґрњгиг ясруллєнд, сойлын ўўлдврт шин болн соньн янз олзллєнд туслна.

Иргчдін сойлын учрежденьсір болн ўўдігч коллективсір ирљ кґдлх кадрмуд белдлєнд онц оньг болн цуг халхин килмљ кергті болљахнь эн тґрір кегдсн кўўндвріс медгдв. Эн туст хоршагдсн сін тоотыг холванднь батлад, шин янз хііх кергті болљахинь, района, селіні администрацла эн туст хамцу ўўлдх кергтінь медгдљіні. Нег ўлў тиим ўўлдвриг ода єарчах шин зокалмуд болн некврмўд сойлын учоежденьсіс некљіні. Сойлын іњгд кґдлх специалистнр белдлєні єурвн халхта зґвшілмўд батлљ авч, кґдлмшиг цааранднь кех болљ тогтаврт батлгдв.

«Государственн социальн политикиг кўцілєні керг -ўўлдврмўдин туск» РФ -н президентин зірлгиг сойлын государственн болн муниципальн учрежденьсір біідл-љирєлд тохралєна йовудын тускар министерствин іњгин єардач Д. Нимгирова зіњгллє кев. «Тууљин - сойлын зґґриг харлєна цутхлњ» автономн учрежденя директор Е. Матвенов эн туст кегдљіх кґдлмшин тускар келљ ґгв. Келн улс хоорнд ни - негн, эвин біідл тогталєна туст сойлын учрежденьс яєљ ўўлдљіхин тускар Яшалтан, Городовиковск, Приютна, Ик -Буурла райодын сойлын іњгин єардачнр тодрха ўлгўрмўдин ул деер олнд медўлљ келв.

Сойлын љил ямаран керг-ўўлдврмўд кўцігдљіхин тускар Хар Єазрин, Ик Буурла, Ўстин райодын ўлгўр деер кўўндгдљ хілігдв. Темдглсн цуг керг-ўўлдврмўдиг эн райодар олн орлцлєтаєар болн соньнар давулљахинь, сойлын учрежденьсин материальн-техническ кґрњгнь батрсинь, сойлын седвірті кґдлічнр мґрілгдљісинь темдглід, цуг эннь кґдлмшиг улм ясрулхд урмд ґгчіхин тускар коллегин сўўр деер кўўндвр болв.

Тањєчин муниципальн библиотексір зіњгллєні ўўлдвриг бўрділєні туск тґрір А. Амр-Санана нерті Келн-улсин библиотекин директорин дарук И. Дензинова илдкл кев. Коллегийин сўўрт хілігдсн цуг тґрмўдір цааранднь кўціх керг-ўўлдврмўд темдглсн тогтавр батлљ авв. Сойлын љил цуг ўўлдврт сін йовуд ґгсинь аштнь темдглљ болхмн.

Галина Хейчиева
А. Зундугинован цоксн зург