Мөрн сарин 14-д мана орн-нутгт «Əрəсəн көдлмш. Арһин цаг» гидг көдлмшч ормин яарм бүрдəгдв. Эн өдр цуг регионмудар, тер тоод мана таңһчд эн керг-үүлдврин түрүн девсң болв. Яармд көдлмш хəəҗəх улст тааста эрдмəрн көдлмш олҗ авхд дөң күргсн деерəн, оютнрт болн ах классмудын сурһульчнрт иргчдəн ямаран халхар үүлдхин туст цəəлһвр өггдв. Таңһчин тəвн шаху бүрдəц, селəнə эдл-аху болн онц эзнə ниицəн эн керг-үүлдврт орлцҗ, ут тоодан 300 көдлмшч орм бəəхин тускар медүлв.

Баһ Дөрвдə района Тундутово селəнд олна дамшлтын эмчин офис (ОВОП) байрин бəəдлд секгдв. Эн «Эрүл-менд харлһн» гидг келн-улсин төсвин түрүн медицинск дөң күрглһнə халхиг делгрүллһнə региональн көтлврин медлд тосхгдв. Сəлəнə əмтнə байр хувалцхар Хальмг Таңһчин Засгин Ахлачин дарук – таңһчин социальн делгрлтин, күч-көлснə болн көдлмшəр тетклһнə министр Өлзəтин Марина болн таңһчин эрүл-менд харлһна министрин дарук Нохан Мария ирəд, шин офис секлһнə керг-үүлдврт орлцв.

Одахн Октябрьск района Цаһан Нур поселкд түүмрəс харсдг əңг секгдв. Зурһадгч тойгта шин əңг Цаһан Нур, Босхач, Хошеут, Чарлакт болн Өвдг поселкудт бəəдг улст түүмрин əəмшг уга бəəдл тогтахмн. Темдглхəс, Хальмг Таңһчин Толһач Хаска Батун даалһврар таңһчин болн муниципальн саңгас эн əңгин тосхлтд мөңгн йилһгдсн билə.

Давсн долан хонгт Артезиан селəнд 1-ч тойгта болн Босчан Зоян нертə сурһульмудын ул деер эн селəнə дегтрин саңгин седвəрəр хар гөрəр туугдсн кемəс авн 80 җил болҗах һашута йовдлд нерəдгдсн хург болв. Зоя Николаевна Босчаеван нертə сурһульд эн керг-үүлдвр давулгдв. Эн йовдлла ирлцүлҗ зургудын һəəхүл бас секгдв. Хальмг зурачнрин зургудла дегц сурһульчнрин зурсн зургуд бас энд үзүлгдв. Эн хургин дегтрин саңгин hардач Евдокия Есенова һардҗ давулв.

Эндр мана орн-нутгт цусна донормудын келн-улсин Өдр темдглгдҗəнə. Эн сəн өдр хамгин түрүнд эврə сəн дурар цусан өгч, гемтə болн зеткртə йовдлла харһҗ шарх-шав авсн əмтнə əм аврлһнд дөңгəн күргдг улст нерəдгдҗəнə. Тер мет эн өдриг цус авдг, терүг шинҗлдг, цус авлһна шин эв-арһ болн кергсл ухалҗ һарһдг, цус гүүлгдг станцсин санитарн бəəдл бүрткдг улс темдглнə. 1832-ч җилд Санкт-Петербург балһснд баахн эмч Андрей Вольф цаһан төр болсн күүкд күүнд авалиннь цус гүүлгəд əминь аврсмн. Тер йовдлд нерəдəд эн өдр зарлгдсн болдг.

Җил болһн мөрн сарин 21-д мана орннутгт бəəрн залврин Өдр темдглнə. Энтн селəнə, балһсна эс гиҗ района муниципальн бүрдəцин бəəрн залврин органмудын көдлəчнрин сəн өдр болҗана. Бəəрн залврин органмудын элчнр хамгин түрүнд əмтнə некврмүд күцəхəр шунна.

В минувший понедельник на экономическом факультете КалмГУ имени Б.Б. Городовикова прошел региональный конкурс исследовательских работ «Лидеры местного самоуправления Республики Калмыкия».

Шидр Хальмг Таңһчин Толһач Хаска Батун даалһврар таңһчин Залврин дарук Дмитрий Трапезников, селəнə эдл-ахун министрин үүлиг цаг зуур дааҗадг Тимур Гаваев болн министрин селвгч Александр Захаров Донецк Улсин Республикин Мариуполь балһснд одҗ, теднə зоопаркд хойр темə белглв.

Бəəсн һазртан сəн таал тогтаҗ, цецрлг (сквер, парк), бичкдүдин талвң чигн тосххин төлə күн болһн дууһан өгч чадҗана. Энүнə туст сүл һурвн җилин туршарт мана орн-нутгт онлайн кевəр дууһан өгнə. Эннь хөн сарин 31 күртл давхмн.

До 18 июня жители Калмыкии имеют возможность подать заявку на участие в конкурсе лучших управленческих практик «Смарт Диалог». К конкурсу приглашают управленцев, проекты которых уже показали на практике свою состоятельность в таких сферах, как здравоохранение, демография, образование и цифровая экономика.