Гер бірхин тґлі єазр ґгв

13-11-2019, 10:10 | История

Ирх љилд мана орн-нутгт Алдр Диилврин 75 љилин ончта ґґн темдглгдхмн. Аврлт уга діінд кўн болєн тґрскн єазран хортнас сулдххар зўтксмн. Залу улс тўрўн зерглінд діінд мордсн болхла, арднь ўлдсн кўўкд улс, кґгшд болн бичкдўд тылд кўч-кґлсірн диилврин ґдр ґґрдўлсмн. «Іідрхн-Кизляр» гидг тґмр хаалєин тосхлт фронтын тґлі ик чинр зўўсмн, тегід терўні тосхлтд ик-бичкн уга орлцсн билі.
Лаганя района Улан Хол селіні ґґр біісн бичкн Хабчн гидг поселкд 4-ч класст сурчасн Анна Манджиева талдан бичкдўдлі хамдан тґмр хаалєин тосхлтд бас орлцв. Арвн хойрта бичкдўд элс зґґдг малыг тууєад, бґдўн улст нґкд болдг біісмн. Хґґннь эдн кеер мал хірўлдг біісиг Анна Батыровна тодлна. Долан хонгтан эдн бґдўн улсла зерглљ кґдлід, муурхан медлго гесндін бўтн хот уга, деерін ґмсх сін хувц угаєар шачах нарнд кґдлід, дарук долан хонгтнь амрдг біісмн. Тер тґмр хаалєар хґґннь эн цуг хальмгудла хамдан Сиврўр тууврт йовулгдсмн. Эндр найн ніімті ээљ арвн љич-зеенчнрин кишгт багтљ йовна. Тер кўнд цагиг тодлљ медіт эвріннь олн ачнр-зеенртін болн љичнртін келљ ґгні. Шидр ээљд љињнўлід, Іідрхн-Кизляр хоорнд тґмр хаалєин тосхачнрт єазрин участк бірўлљ ґгхин туск байрта зіњг медўлв. Тегід талдан иим медітнрлі хамдан Анна Батыровна Элст балєсна депутатнрин Хургин ик залд болсн байрта керг-ўўлдврт орлцхар ирв.
Элст балєсна администрацин толєачин ўўлиг дааљадг Дмитрий Трапезников, ЭГС-ин Ахлач Николай Орзаев болн Хальмг Тањєчин єазрин болн ґлг-эдин хірлціні министр Анджа Тачиев тґмр хаалєин тосхачнрт єазрин участкин документс бірўлљ ґгв.
- Тадн бичкн цагтан дііні болн тууврин ик зовлњ дааљ єарвт. Тадн насни дигт кўрід уга цагтан тґмр хаалєин тосхлтд орлцад, бас залу-зґрмгін ўзўлвт. Эн тґмр хаалєин тосхлт фронтын тґлі аєу ик чинр зўўсмн, тегід Диилвр ґґрдўлхд тана тівц бас бііні. Бидн тана ач-тусиг мартшговидн, дорас ґсч йовх бає ўй тана залу-зґрмгин тускар медх зґвті. Тадн мана баатрмуд болљанат. Бидн цуг таанрт ханлтан ґргљінівидн, эрўл-менд біітн, љирєлиннь байн дамшлтарн маднла хувалцљ йовтн,- гиљ Дмитрий Трапезников йґрілин ўгдін келв.
Анджа Тачиев болн Николай Орзаев ветеранмудт бас бўлін ўгін нерідљ, эдн зґвті ачлвран авчахиг темдглв. Зірм медітнр эднд єазрин участк ґгх гиљ ицљісн уга, болв эн тґр хаєллєнд тањєчин єардвр ик оньг ґгчіні гиљ дааврта єардачнр келв. «Ўвлин шўрўн салькнд, зуна шачах нарнд эн тґмр хаалєиг кґгшд, кўўкд улс болн бичкдўд тосхсмн. Єар уга болхла, шўдірн чигн авад кедг улс терўнд орлцсмн гиљ мини эк эн тосхлтд орлцсн улсин тускар келдг билі»,- гиљ Николай Павлович келљ, ветеранмудын ачиг хірўлљ болшго гиљ темдглв.
Кизляр-Іідрхн хоорнд тґмр хаалє тосхсн ветеранмудын региональн олна организацин ахлач Сергей Кукуев тањєчин єардврт ханлтан ґргід, ахр цагин болзгт медітнрт єазрин участк йилєљ ґглєні тґр хаєлгдв гив. Тањєчин єазрин болн ґлг-эдин министерствиг А.Тачиев толєалсна хґґн эн тґр дигті-даратаєар болн дарунь хаєлгдљана гиљ эн келв. Элст балєсна администрац ирх љилд эн участкуд кўртл инженерн коммуникацс тосхлєна тґр хаєлх ўгін ґгсиг эн зіњглв. Ода мана тањєчд эн тґмр хаалєин тосхлтд орлцсн 200 шаху кўн бііні.
Эн ґдр 18 кўн єазрин участкта болв. Урднь тґмр хаалє тосхачнрас тўрўн 35 кўн документсін авсн билі. А.Тачиевин келсір, ода деерін чеерўд уга, болв тосхлтд орлцсн улс документсін белдљіні, тегід эднд бас єазрин участк йилєљ ґггдхмн. Тґмр хаалєин тосхлтд орлцсн улст Сити-3 гидг районд, балєсна дорд ўзгт, єазр йилєгдљіні.
П.Чонкушовин нерті искусствин колледжин оютнр Артем Мулаев болн Айса Хонинова хальмг ду дуулад, медітнрт кґгљмин белгін нерідв.

Наталья ДАВАЕВА
ЗУРГТ: байрин керг-ўўлдврт орлцачнр
И.Музраеван цоксн зург

Видео