Алдр єардачд нерідв

09-12-2020, 14:12 | Культура

Давсн сарин эргцд мана тањєчд цергі,политикин болн олна нерті ўўлдіч, Хальмг Тањєчин алдр єардач, генерал-лейтенант, Советск Союзин Герой Басан Бадьминович Городовиковин 110 љилин ґґнд нерідсн кесг керг-ўўлдвр болв. Терўнд Хальмг университетин гуманитарн факультетин оютнр болн багшнр вузин,
региона болн факультетин кемљінд шунмєаєар орлцв. Ончта ґґнд нерідсн декадын ґдрмўдт олн зўсн янзта олна хургуд болв,тер тоод кураторин час, олн-імтн
орлцдг онлайн лекцс, онлайн викторинмўд, «тґгрг ширіс», челленджмўд болн нань чигн юмн болв. Тер тоод Амр Санана нерті Келн-улсин дегтрин сањгла хамдан Басан Городовиковин ўўлдврт болн намтрт нерідсн асхн болв.Эн харєлтд «Документ болн архив медлєн» гидг зґрўллтин 2-ч курсин болн «Тууљ» зґрўллтин 4-ч кўрсин оютнр шунмєаєар орлцв. Эднлі хамдан гуманитарн факультетин куратормуд Л.В. Оконова болн Д.В. Амаева ирљ оютнртан ціілєвр ґгв. Тер мет эн соньн керг-ўўлдврин гиичнр болљ Хальмг Тањєчин єардач Басан Городовиковин туск тодлврарн тууљин номин доктор У. Б. Очиров болн Ірісіначта зурач С.К. Ботиев хувалцљ мана тањєчд ик сурєулиг болн номиг, сойлыг делгрўллєнд Басан Бадьминовичик нилчін кўргсні тускар келљ ґгв. Дегтрин сањгин кґдлічнр Басан Городовиков Хальмг Тањєчин экономик, селіні эдл-аху, сойл болн сурєуль-эрдм ґргљўллєнд, олн-імтні љирєл ясруллєнд, кесг заводмуд болн предприятьмўд тосхлєнд ик нилчін кўргсні тускар соньн презентац кељ, хальмг болн орс келір шўлгўд умшв.Хальмг университет ик байрта-бахмљтаєар Басан Городовиковин нер
зўўљ, алдр ўўлдічин нериг ил кергірн туурулљана, энўні тускар гуманитарн факультетд болсн кураторин часин йовудт тодрха болн соньн кўўндвр болв. Кураторин часин кўўндврин тґрнь олн зўсн болв, тер тоод «Алдр кергнь мартгдшго єардач», «Мана цагин баатр», «Олн улстан імін ірвллго, итклтієір церглсмн», «Мана келн-улсин баатр», «Генерал – алдр ўўдієіч» гисн тґрір соньн кўўндвриг гуманитарн факультетин багшнр Н.П. Мацакова,О.Н. Абеева, Н.А. Акименко, Ц.В.Олчанова, О.А. Джагаева кев. Генералын цергі болн љирєлин хаалєинь медўлљіх роликўд болн презентацс оютнр ўзўлв. Германск филологин кафедрин до-
цент Н.А. Акименко «Моя Калмыкия— 40 лет назад», «Калмыкия – моя любовь» гидг альбомсас тер цага соньн олн зургудынь оютнрт болн багшнрт ўзўлв, тер альбомсиг мана тањєчд 1976-ч љиліс авн 1981-ч љил кўртл біісн зург цокач Геннадий Черкасов эвріннь барлгдад уга зургудас ўўдісмн. Тууљин номин доктор, профессор О.А. Джагаева зіњгллєні час давулв. Б.Б. Городовиков – келн-улсин баатр, энўні нилчір дііні хґґтк кўнд љилмўдт мана экономик болн сойл шиніс
ўўдігдсмн. Тер олн љилмўдт Басан Бадьминович мана тањєчиг чадмгар єардљ йовсмн, тиим билгті єардач, олнд темдгті генерал цугинь шиніс ўўділєні амр биш цагла мана тањєчиг эс єардсн болхла бидн тиим кўцімљ бірљ чадх уга билівидн. Хальмг багшнрин институт, хґґннь Хальмг госуниверситет тогталєнд єоллгч тівцін эн орулсмн. Ірісін тууљин, документ болн ар- хив медлєні кафедрин доцентнр О.Н.Абеева болн Ц.В. Олчанова педагогическ болн экономическ факультетмўдин негдгч курсин оютнрин тґлісоньн лекцс умшв. Басан Городовиковин љирєлин туск соньн олн тоотыг оютнр медљ авв. Басан Городовиков Советск Союзин, Ірісін болн Хальмг Тањєчин цергі болн политикин ўўлдіч біісмн, энўні єардљасн Духовщинск дивизь Улан Іірмин іњгўдіс хамгин тўрўнд Дорд ўзгин Пруссин мељід єарсмн, тер баатр йовдлын тґлі генерал Басан Городовиков Советск Союзин Геройин ґґдін нер зўўсмн. Кесг арвад орденір болн медаляр, єазадын орна ачлврар алдр генералын цергі билгті ўўлдвринь темдглсмн. Ўкр сарин 13-с авн 20 кўртл гуманитарн факультетин активистнрин хўўв оютнрин «Љањєр» отрядла болн Хальмг ИС-н баєчудын политикин іњглі хамдан Инстаграм гґлмд он-лайн-викторин бўрдів («Своя игра»,«Звезда над степью», квизе болн наньчигн юм – энўні бўрдієічнрнь ГФ оютнр Савченко Виктория, Насунов Руслан, Юсупов Тимур, Басангов Санджи, Каташов Александр болв). Эдн генерал Городовиковин єарєсн цуг баатр йовдлыг ўўрмўдтієін хамдан тодлв, викторині йовудт баєчуд олн сурврт хірў ґгв. Негдгч курсин оютнр эн керг-ўўлдврт шунмєаєар орлцљ тууљин сін медрлін ўзўлљ командсин ханьд чадмгар дґрлдв. Ўкр сарин 15-д «Эврі наадн» («Cвоя игра») гидг керг-ўўлдвр болв, энд Басан Городовиковин намтринь сіінір медх кергті біісмн, олн зўсн сурврт оютнр чик хірў ґгхлі, тер тоот ґґдінір ўнлгдљісмн. Энд залврин болн зґвин факультетин оютнр талдан факультетин элчнріс улм дигті болн кўцц хірў ґгч диилвр бірсмн. Тањєчин кемљінд чигн болсн керг-ўўлдврт Ірісін тууљин, бірмт цаас болн архив медлєні кафедрин багшнр орлцв. Иигід, ўкр сарин 19-д Элстин 15-ч тойгта СОШ-т регионмуд хоорндк конференц болв. «Хальмг Тањєч болн Б.Б. Городовиков» гидг нер эн зўўљісмн. Энўнд сурєульчнр болн хотл балєсна гиичнр орлцв. Хальмг ГУ-н доцентнр Убушаев Е.Н. болн Горяев М.С. «Хальмг ўнн» газетд «Большое видится на расстоянии» гидг статья барлв, тууврин хґґн Хальмг Тањєч яєљ босхгдсна тускар энд келгдв. Мана тањєчин єардач генерал Городовиковин ончта ґґнд нерідсн керг-ўўлдврин тускар оютн Савченко Виктория иигљ тоолвран келв: «Би эник кемљіті ўўлдврт бўрдієіч болн йирин оютн болљ орлцлав, эн тоот мини љирєлин хіліцд сольвр орулв. Хамгин тўрўнд мана университет алдр генералын нер зўўљіхнь нанд байр-бахмљ ўўдіні.
Б.Б.Городовиковин 110 љилин ґґн мана тањєчин цуг улсиг негдўлв. Гуманитарн факультетин оютнр цуг сойлын-ўўділтин, спортын болн номин керг-ўўлдврт орлцв. Онц ханлтан эвріннь єардач Надежда Акимовна Акименкод ґргхір седлів, мана багш Басан Бадьминович љирєлин соньн тоот келљ ґгв. Тууљин онц чинрті, ик
кемљіті тиим йовдлд орлцсндан ик байрта біінів».
Цаган ОЛЧАНОВА,
Хальмг ГУ-н гуманитарн
факультетин декана дарук

Видео