Мана таңһч нүүрт йовна

26-01-2021, 14:19 | Общество, Зіњг

Эн өдрмүдт шаңһа туслмҗин портал олзлҗ әмтн коронавирусн гемәс саглуллһна тәрлһ авлһнд бичгдҗәнә. Тиигәд шидр кесн шинҗллтин ашар мана таңһч тиим эв-арһар тәрлһнд әмтн шунмһаһар бичгдҗәх тавн региона тоод орв. Терүнә тускар Әрәсән вице-премьер Дмитрий Чернышенко зәңглв.

- Әрәсән Президентин даалһврар туула сарин 18-с авн әмтн дунд коронавирусн гемәс саглуллһна тәрлһн эклв. Терүнд орлцхин төлә әмтн шаңһа туслмҗин портал олзлҗ эрлһән орулҗана. Тиигәд, Сахалинск, Калининградск болн Мурманск мүҗмүдт, Ненецк Автономн округд болн Хальмг Таңһчд әмтн эн порталд шумһа кевәр эрлһән орулҗахнь темдглгдҗәнә, – гиҗ вице-премьер келв.
Келхд, шаңһа туслмҗин порталд тәрлһ авлһнд бичгдхин төлә амр болна. Күн болһн тааста өдр болн цаг шүүҗ авч тәрлһ авч чадҗана. Олн-әмтн цуглршгон төлә саглуллһна некврмүдлә ирлцәтәһәр күн болһн диглгдсн цагла ирҗ тәрлһ авчана. Мана таңһчд ода деерән тәрлһ авлһна 14 пункт үүлдҗәнә.

Мана зәңгч

Видео