Ачта медәтнрән йөрәв

Шидр Хальмг Таңһчин ачта улсин Хүүвин дарани сүүрт ончта өөнән темдглсн болн эврә отг-әәмгиннь делгрлтд ик тәвцән орулсн тоомсрта, күндтә медәтнриг тооҗ йөрәв.
Тиигәд Хүүвин гешүд эн җилин үкр сарин эклцәр найн тавн насна өөнән темдглсн хальмг улсин шүлгч, бичәч,седкүлч,багш, орчулач Шугран Вераг халунар йөрәҗ, бүлән үгмүдән нерәдснь темдгтә болв. Билгтә шүлгч,таңһчин келн-улсин частрин түүрвәч, һучн һар хураңһу барас һарһсн Вера Киргуевнаг Хальмгт күндлҗ тевчдгнь басл орта юмн. Нег үлү шүлгч бичкдүдт нерәдсн олн үүдәврмүднь кен-негнәннь седкл авлҗ, байр-бахмҗ үүдәдгинь ода кен эс меднә. Советин Союзин Баатр Делгә Эрднин нертә Хальмгин комсомолын болн «Улан Зала” келн-улсин мөрәсин дииләч болад,өдгә цага орс утх-зокъялд тәвцән орулсн төлә “А.П.Чехов” медаляр ачлгдснь чигн мана нертә шүлгч хальмг болн орн-нутгин сойл, утх-зокъял болн билг-эрдм делгрүллһнд ик ач-тус күргсинь лавтаһар иткүлҗәнә гих кергтә.
(полную версию статьи можно посмотреть в бумажной версии выпуска № 131 (18970) 2 декабря 2023 года, СУББОТА)
ШАГҖИН Любовь
Зургт: таңһчин ачта улсин Хүүвин сүүрт күндтә медәтнриг йөрәв