Таңһчд мандлмуд босхгдхмн

24-10-2026, 10:44 | Общество, Таңһчин зәңгс, Зіњг

Бурхн Багшин Алтн сүмин һардврин үрврәр Хальмг Таңһчд Дрепунг Гоманг хурлас гелңгүд ирв. Эдн мана таңһчд мандлмуд босххмн. Гелңгүдин делегациг гевш- лхарамб Лобсанг Шакья һардҗ ирв. Урдк җилмүдт мет мандлмуд Элстәс нань райодт бас босхгдх болв. Тегәд олн улст шаҗна эн үүлдврт орлцҗ, зальврх таал учрҗана.
Хулһн сарин 27-д Бурхн Багшин Алтн сүмд Амитаюс бурхна мандл эклҗ босхгдхмн. Ут насна болн өр-өвч седклин бурхна евәлд багтх арһ әмтнд учрхмн. Тавн хонгин туршарт гелңгүд өңгтә элснәс сәәхн зургуд кехмн. Цугнь шаҗна зокалар ном умшҗ күцәгднә.
Хулһн сарин 27-ас авн 31 күртл Хальмгин төв хурлд шаҗна төрәр лекцс умшгдхмн. Бурхн-шаҗна номар соньмсчах әмтнд тернь ик туста болх. Лекц болһнд тодрха цәәлһвр өггдәд бәәхмн.
Лагань балһснд үкр сарин 1-әс авн 6 күртл Ямандаг бурхна мандл босхгдх. Харш цуг тоотыг уга келһнд, чидлән батлҗ авлһнд болн иргч сән хүврлтст туслдг бурхна хәәрнд күртх арһ учрҗана. Дәкәд болхла шаҗна кесг йосрхл күцәгдҗ, җирһлд туслх мөргүлмүдт өрк-бүләрн орлцҗ үзтн. Тер мет шаҗна төрәр соньмсдг әмтн лекцст ирҗ, медрлән гүүдүлхмн.
Үкр сарин 7-ас авн 12 күртл Яшкульд Дрепунг Гоманг хурлын гелңгүд Ноһан Дәркин мандл босххар зуралҗана. Шаҗна эн үүлдвр күцәлһнә йовудт энд йосрхлмуд бас күцәгдхмн. Бәәрн әмтн җирһлднь туслх мөргүлмүдт орлцҗ чадҗана.
Элстд болн райодт шаҗна эн халхар күцәгдх тоотын тускар хурлын ниигмәнә сүлҗәнд бас тодрхаһар зәңглгдҗәнә.
УШКАНА Сувсн

Видео